Вы тут

Пытанні далейшай працы Дзяржсакратарыята Савета бяспекі абмеркавалі сёння ў Палацы Незалежнасці


Пытанні далейшага функцыянавання Дзяржсакратарыята Савета бяспекі Беларусі кіраўнік дзяржавы Аляксандр Лукашэнка абмеркаваў сёння з дзяржсакратаром Станіславам Засем і кіраўніком Адміністрацыі Прэзідэнта Наталляй Качанавай, перадае БелТА.


«Тры-чатыры гады на плячах у нас будзе ўвесь Савецкі Саюз: і эканамічны складнік (у 2020 годзе Беларусь пачынае старшынстваваць у ЕАЭС. — Заўвага. БелТА), і сілавая абарона ў АДКБ, і ў Саюзнай дзяржаве Вышэйшы дзяржсавет Прэзідэнт Беларусі ўзначальвае. З аднаго боку, ганарова, з другога — адказна», — сказаў Аляксандр Лукашэнка.

Станіслаў Зась зойме пост генеральнага сакратара АДКБ з 1 студзеня, але ўжо фактычна працуе там, адзначыў Прэзідэнт. Напярэдадні ён разам з лідарамі краін — членаў арганізацыі прыняў удзел у закрытай часткі саміта АДКБ. «Вы ўбачылі ўсю гэтую „кухню“, ушчыльную пазнаёміліся з усімі прэзідэнтамі, убачылі іх пазіцыі, што тычыцца нашага абарончага саюза. Наказваць вам няма сэнсу, таму хацеў з вамі абмеркаваць пытанні далейшага функцыянавання Дзяржсакратарыята», — растлумачыў кіраўнік дзяржавы.

Аляксандр Лукашэнка пацікавіўся, каго прапануюць прызначыць на пасаду дзяржаўнага сакратара Савета бяспекі, ці ёсць цяпер у гэтым органе якія-небудзь праблемы або неабходнасць у рэфармаванні. «Мяне зараз больш цікавіць тэма будучай працы сакратарыята Савета бяспекі Беларусі. Ды і вам прыйдзецца вялікі прамежак часу гэтым займацца, пакуль новы чалавек не ўвойдзе ў курс справы. Думаю, у вас нейкі час у Маскве для гэтага знойдзецца», — дадаў Прэзідэнт .

Як паведамлялася, 28 лістапада на саміце Арганізацыі Дамовы аб калектыўнай бяспецы Станіслаў Зась быў зацверджаны на пасаду генеральнага сакратара арганізацыі. Рашэнне аб прызначэнні беларускага прадстаўніка прынята ў мэтах выканання рашэння Савета калектыўнай бяспекі ад 2015 года, дзе дакладна рэгламентавана прызначэнне генеральных сакратароў на ратацыйнай аснове ў адпаведнасці з рускім алфавітам — была Арменія, а з 1 студзеня 2020 года чарга Беларусі.

У лістападзе 2018 года Арменія датэрмінова адклікала свайго прадстаўніка Юрыя Хачатурова, які адпрацаваў на гэтай пазіцыі паўтара года з прадугледжаных статутам трох гадоў. На дадзены момант абавязкі генеральнага сакратара АДКБ выконвае Валерый Семерыкоў.

Прэв'ю: places.by

Выбар рэдакцыі

Грамадства

Выбіраем аптымальную пару года для пахудзення. Спойлер: і гэта не лета!

Выбіраем аптымальную пару года для пахудзення. Спойлер: і гэта не лета!

Жыццё ў «эпоху спажывання» — сур’ёзнае выпрабаванне для чалавека.

Эканоміка

Нашы фінансы павінны прыносіць даход. Які? Вось у чым пытанне

Нашы фінансы павінны прыносіць даход. Які? Вось у чым пытанне

Адукаваныя людзі загадзя плануюць свой паток фінансаў, размяркоўваючы іх па перспектыўных напрамках, тым самым забяспечваючы сабе нябеднае жыццё.

Культура

Мінск 1941. Як гэта было

Мінск 1941. Як гэта было

Неба пачарнела ад самалётаў.