На наступным тыдні запланаваны двухдзённы візіт у нашу краіну парламенцкай дэлегацыі Савета Федэрацыі Федэральнага сходу Расійскай Фэдэрацыі на чале з яго старшынёй Валянцінай Мацвіенка. Пра гэта паведамляе прэс-служба верхняй палаты беларускага парламента.
Праграма насычана падзеямі: у першы дзень візіта — 5 сакавіка — сустрэчы на высокім узроўні: са старшынямі дзвюх палат беларускага парламента — Наталляй Качанавай і Уладзімірам Андрэйчанкам, удзел у пасяджэнні арганізацыйнага камітэта па падрыхтоўцы і правядзенні VІІ Форуму рэгіёнаў Беларусі і Расіі, які сёлета плануюць правесці ў беларускай сталіцы і Мінскай вобласці. Дарэчы, будучы Форум будзе прысвечаны гістарычнай спадчыне Вялікай Перамогі як аснове развіцця сацыяльна-эканамічных і духоўных сувязяў народаў нашых краін.
У гэтым кантэксце лагічна выглядае запланаваны ўдзел старшыні Савета Федэрацыі ў перадачы капсулы з зямлёй у рамках Міжнароднай акцыі памяці «У гонар агульнай Перамогі!», што адбудзецца ў храме-помніку Усіх Святых. Акрамя таго, расійскія парламентарыі атрымаюць магчымасць пазнаёміцца з грунтоўнымі экспазіцыямі Беларускага дзяржаўнага музея гісторыі Вялікай Айчыннай вайны.
На другі дзень візіту — 6 сакавіка — парламенцкая дэлегацыя Савета Федэрацыі адправіцца ў Брэст, дзе ў мемарыяльным комплексе «Брэсцкая крэпасць-герой» адбудзецца ўрачыстая цырымонія ўскладання вянка да Вечнага вогнішча. Пасля экскурсіі па мемарыяльным комплексе запланавана сустрэча з ветэранамі Вялікай Айчыннай вайны.
Вольга АНУФРЫЕВА
Міжнародная спецыялізіваная выстаўка жыллёва-камунальнай гаспадаркі пройдзе ў Мінску.
Максімальнага значэння за летні сезон тэмпература паветра дасягнула 13 ліпеня на станцыі Жыткавічы і склала 37,9 градуса спёкі.
Напярэдадні дня нараджэння сталіцы прайшла міжнародная навукова-практычная канферэнцыя.
