02 снежня, серада

Вы тут

У Мінску прайшоў фінал рэспубліканскага конкурсу «100 ідэй для Беларусі»


У Мінску прайшоў фінал рэспубліканскага конкурсу «100 ідэй для Беларусі». На адной пляцоўцы сабраліся найлепшыя маладыя распрацоўшчыкі краіны, якія прэзентавалі свае інавацыйныя праекты.


— Дзявяты сезон праекта чарговы раз пацвердзіў высокі навукова-даследчыцкі патэнцыял беларускай моладзі, яе ўменне генерыраваць прагрэсіўныя і запатрабаваныя жыццём ідэі. Высокі інтэлект юнакоў і дзяўчат сёння робіцца асновай для далейшага росту ў самых розных сферах: ад біятэхналогій да робататэхнікі. «100 ідэй для Беларусі» — пацвярджэнне таго, што ў нашай краіне таленавітая і думаючая моладзь», — адзначыў намеснік кіраўніка Адміністрацыі Прэзідэнта Андрэй КУНЦЭВІЧ.

— Экспертны савет ацаніў распрацоўкі фіналістаў з пункту гледжання навукаёмістасці і інавацыйнасці, — падкрэсліў першы сакратар ЦК БРСМ, член Савета Рэспублікі Нацыянальнага сходу Дзмітрый ВАРАНЮК. — Галоўная задача конкурсу — даць магчымасць кожнаму прапанаваць сваю ідэю і адчуць падтрымку з нашага боку. Штогод прыкладна 10—20 праектаў «100 ідэй для Беларусі» ўкараняецца ў айчынную вытворчасць, і гэта выдатна.

Галоўнай часткай падзеі стала экспазіцыя-прэзентацыя маладзёжных інавацыйных праектаў «Навігатар ідэй», куды ўвайшло больш за сто аўтарскіх распрацовак — пераможцаў адборачных тураў конкурсу «100 ідэй для Беларусі» па дзесяці кірунках.

Фішкай сёлетняга сезона конкурсу стала экалагічная тэматыка. У фінале былі адзначаны дваццаць пераможцаў дзвюх узроставых катэгорый: першая — навучэнцы, другая — студэнцкая і працоўная моладзь, маладыя навукоўцы.

Дар'я ШЛАПАКОВА

P. S. Больш падрабязна пра фінал конкурсу — у найбліжэйшым выпуску маладзёжнага дадатку «Чырвонка. Чырвоная змена»

Прэв'ю: brsm.by

Загаловак у газеце: Займацца навукай — быць у трэндзе!

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.