Мясцовы жыхар на старэнькай “Аўдзі” прыехаў да таварыша. Прыпаркаваўся ў двары дома, пакінуўшы транспартны сродак адкрытым, і зайшоў у госці.
А ў гэты час у жыллі па суседстве адпачывала моладзь. Калі алкаголь скончыўся, схадзіць за дабаўкай падахвоцілася 30-гадовая ўдзельніца застолля. Убачыўшы на вуліцы незачыненую іншамарку з ключамі ў замку запальвання, дзяўчына вырашыла дабрацца да крамы за рулём чужога аўто.
Паколькі правы кіроўцы і навыкі ваджэння ва ўгоншчыцы ўвогуле адсутнічалі, праз паўкіламетра яна не справілася з кіраваннем і, урэзаўшыся ў слуп, з’ехала ў кювет. Там яе і знайшлі супрацоўнікі ДАІ, да якіх паспеў звярнуцца гаспадар выкрадзенай іншамаркі, паведамляе МУС.
У дачыненні да дзяўчыны следчымі распачата крымінальная справа за крадзеж.
Сяргей РАСОЛЬКА
Прэв'ю: sozh.info
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.