Вы тут

БРСМ і “Белпошта” запрашаюць адправіць медработнікам паштоўкі


Беларускі рэспубліканскі саюз моладзі і РУП “Белпошта” запускаюць добрасардэчны марафон “#СпасибоМедикам” і запрашаюць адправіць медыцынскім работнікам паштоўкі са словамі падзякі за іх працу.


У марафоне могуць прыняць удзел усе жыхары Беларусі. Для гэтага неабходна напісаць на паштоўцы альбо паштовай картцы шчырыя словы падзякі медработнікам -- урачам, фельчарам, медсёстрам, малодшаму медперсаналу, а таксама кіроўцам хуткіх дапамог - за іх прафесіяналізм і добрыя сэрцы, за іх кругласутачную працу ў барацьбе за здароўе і жыцці. А затым адправіць іх адрасатам праз паштовыя скрыні. Адрасы медыцынскіх устаноў размешчаны на сайтах галоўных упраўленняў па ахове здароўя абласцей і Мінска.

Эскізы паштовых картак для такіх падзячных лістоў распрацаваў Саюз моладзі. Іх можна будзе спампаваць на афіцыйных інтэрнэт-рэсурсах і ў групах БРСМ у сацыяльных сетках.

У сваю чаргу РУП "Белпошта" запэўніла, што ўсе падзякі для медыкаў даставяць своечасова, прычым марка на паштоўку або канверт не запатрабуецца. “Белпошта” з 14 красавіка да канца месяца забяспечыць бясплатную дастаўку паштовых картак з хэштэгам #СпасибоМедикам у адрас устаноў аховы здароўя.

Марафон “#СпасибоМедикам” стартуе 14 красавіка - адначасова на Галоўпаштамце, а таксама ў абласных філіялах РУП “Белпошта”. У гэты дзень да 14.00 сюды паступяць сотні паштовак для медыцынскіх работнікаў ад Беларускага рэспубліканскага саюза моладзі.

Сяргей РАСОЛЬКА

Выбар рэдакцыі

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.

Грамадства

«Дзякуй за вашу працу! Вы — героі на ўсе часы!»

«Дзякуй за вашу працу! Вы — героі на ўсе часы!»

Як працуюць з COVІD-пацыентамі дзіцячыя ўрачы.

Грамадства

Уступленне ў дарослае жыццё — як выхад у космас

Уступленне ў дарослае жыццё — як выхад у космас

Псiхолаг тлумачыць, чаму паўза пасля заканчэння школы — не трагедыя.