Вы тут

На апошнім тыдні лістапада ўначы будзе халаднавата, а ўдзень — вільготна


Апошняя дэкада лістапада пачалася з цёплага надвор'я. Ды потым дождж уперамешку з мокрым снегам, а дзе-нідзе і наяўнасць снежнага покрыва нагадалі нам, што зіма блізка. Паводле апошняй інфармацыі, снег таўшчынёй 1—4 сантыметры ляжыць на паўночным усходзе Віцебскай і Магілёўскай абласцей. Але большую частку гэтага тыдня атлантычныя цыклоны і іх атмасферныя франты разам з аблокамі будуць несці сагрэтыя Гальфстрымам паветраныя масы. У выніку тэмпературны рэжым па-ранейшаму будзе вышэй за кліматычную норму, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння ўдзень воблачна з праясненнямі. На большай частцы тэрыторыі краіны пройдуць кароткачасовыя ападкі, у асноўным дождж. Ды і заўтра чакаецца воблачнае надвор'е, пройдуць кароткачасовыя дажджы, уначы па крайнім паўночным усходзе мокры снег, слабы галалёд. Вецер прагназуецца заходні ўмераны. Тэмпература паветра ўначы складзе ад мінус 1 градуса да 5 цяпла, удзень — ад плюс 2 градусаў да 7 цяпла.

А вось у чацвер надвор'е крыху палепшае. У гэты дзень атмасферны ціск вырасце, у шчыльных восеньскіх аблоках з'явяцца праясненні. У многіх раёнах ападкі спыняцца, толькі ўначы месцамі па ўсходзе краіны чакаюцца кароткачасовыя дажджы. У асобных раёнах Беларусі будуць згушчацца туманы. Вецер прагназуец-
ца заходні, паўднёва-заходні ўмераны. Тэмпература паветра ў начныя гадзіны складзе ад мінус 2 градусаў
да 5 цяпла, па Брэсцкай вобласці пры праясненнях — да 5 марозу. Удзень будзе 2—7 цяпла.

У пятніцу да нас зноў занясе порцыю вільготнага цёплага паветра з боку Еўропы. Гэта — уплыў чарговага атлантычнага цыклону. На большай частцы тэрыторыі краіны пройдуць кароткачасовыя ападкі ў выглядзе дажджу і мокрага снегу. Уначы і раніцай у асобных раёнах чакаюцца слабы туман, галалёд, на дарогах месцамі галалёдзіца. Вецер прагназуецца паўднёва-заходні з пераходам на паўночна-заходні ўмераны. Тэмпература паветра ўначы складзе ад мінус 3 да плюс 3 градусаў, удзень — ад нуля да 6 цяпла.

Паводле папярэдніх прагнозаў айчынных сіноптыкаў, у наступныя выхадныя ўмовы надвор'я ў нашай краіне стануць фарміраваць больш халодныя паветраныя масы. Вось тады і пасыплецца мокры снег, а часам і белы, пухнаты... Дарэчы, летась мы сапраўднага снегу так і не дачакаліся.

Сяргей КУРКАЧ

Загаловак у газеце: Снег уперамешку з лістотай

Выбар рэдакцыі

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.