Вы тут

Новыя правілы дзяржрэгістрацыі грамадзянскіх паветраных суднаў зацверджаны ў Беларусі


Міністэрства транспарту і камунікацый зацвердзіла новыя авіяцыйныя правілы «Арганізацыя дзяржаўнай рэгістрацыі грамадзянскіх паветраных суднаў». Гэта прадугледжана пастановай ад 29 мая 2020 года нумар 29, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.


Згодна з пастановай, авіяцыйныя правілы рэгулююць адносіны па арганізацыі дзяржаўнай рэгістрацыі грамадзянскіх паветраных суднаў Беларусі. Яны ўключаюць афармленне і выдачу сертыфікатаў лётнай прыдатнасці, сертыфікатаў па шуме на мясцовасці, рэгістрацыйных пасведчанняў, а таксама прысваенне і нанясенне дзяржаўных, рэгістрацыйных і іншых сімвалаў, надпісаў і эмблем.

Патрабаванні правіл распаўсюджваюцца на ўсіх эксплуатантаў, уладальнікаў грамадзянскіх паветраных суднаў у Беларусі, на арганізацыі, грамадзян, у тым ліку індывідуальных прадпрымальнікаў, якія плануюць стаць эксплуатантамі, уладальнікамі такіх суднаў у адпаведнасці з заканадаўствам.

Грамадзянскія паветраныя судны падлягаюць дзяржрэгістрацыі ў Дзяржаўным рэестры ў адпаведнасці з заканадаўствам аб адміністрацыйных працэдурах. Дзяржаўная рэгістрацыя і вядзенне Дзяржрэестра ўскладаюцца на Дэпартамент па авіяцыі.

У дакуменце таксама прапісаны правілы перарэгістрацыі грамадзянскіх паветраных суднаў, выдачы рэгістрацыйнага пасведчання, выключэння суднаў з Дзяржрэестра, выдачы і прадаўжэння тэрміну дзеяння сертыфіката лётнай прыдатнасці і гэтак далей.

Пастанова ўступае ў сілу пасля яе афіцыйнага апублікавання.

Прэв’ю: ria.ru

Выбар рэдакцыі

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.

Спорт

Дзмітрый Ходас: Воля, характар і любоў

Дзмітрый Ходас: Воля, характар і любоў

Як не быць алімпійскім чэмпіёнам, але быць героем спорту.