Вы тут

Дзве станцыі абезжалезвання вады адкрыты ў Калінкавіцкім раёне


Напярэдадні святаў станцыі абезжалезвання вады адкрыты ў аграгарадках Казловічы і Гарбавічы. Новыя сацыяльна значныя аб’екты пабудаваны па праграме «Чыстая вада» дзяржпраграмы «Камфортнае жыллё і спрыяльнае асяроддзе» на 2016–2020 гады. Дзякуючы намаганням мясцовых уладаў і падтрымцы дэпутацкага корпуса цяпер на тэрыторыі Калінкавіцкага раёна функцыянуе 16 станцый абезжалезвання.


Між тым, сёлета планавалася пабудаваць і ўвесці ў эксплуатацыю пяць станцый абезжалезвання вады — у населеных пунктах Даманавічы, Каплічы, Ліпава, Крукавічы і Савічы. Аднак гаспадарчы падыход да засваення сродкаў і прыцягненне ўласных сіл КУП «Камунальнік Калінкавіцкі» дапамаглі зэканоміць больш як 210 тысяч рублёў. Было прынята рашэнне да канца года пабудаваць на гэтыя сродкі яшчэ дзве станцыі абезжалезвання вады ў раёне.

З рэспубліканскага бюджэту на аб’ект будаўніцтва ў аграгарадку Казловічы было выдаткавана 122 тысячы рублёў. Прадпрыемства «Камунальнік Калінкавіцкі» гаспадарчым спосабам выканала работы па электразабеспячэнні, адмостцы, агароджы і добраўпарадкаванні аб’екта. Эканомія сродкаў склала звыш 15 тысяч рублёў. На будаўніцтва станцыі абезжалезвання ў Гарбавічах са сродкаў рэспубліканскага бюджэту было накіравана 112 тыс. рублёў. Зноў камунальнае прадпрыемства раёна гаспадарчым спосабам выканала частку рамонтных работ на аб’екце і добраўпарадкаванне. Зэканоміць атрымалася больш як 8 тысяч рублёў.

Як адзначыў дырэктар КУП «Камунальнік Калінкавіцкі» Алег Жыгар, жыхары гэтых населенных пунктаў даўно падымалі пытанне якасці вады — утрыманне жалеза ў ёй тут перавышала нарматыўныя значэнні ў два-тры разы.

На станцыі ў Казловічах новае абсталяванне здольнае чысціць 12 кубічных метраў вады ў гадзіну, у Гарбавічах — 15 «кубоў» у гадзіну. Станцыі абезжалезвання забяспечаць пітной вадой належнай якасці каля 700 жыхароў аграгарадкоў.

Наталля КАПРЫЛЕНКА

Фота Мікалая БАРЫСЕНКІ

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.