Вы тут

Ашуканцы атакуюць праз месенджары. Як захаваць свае грошы?


У апошні час у нашай краіне ўчасціліся выпадкі махлярства ў дачыненні да трымальнікаў банкаўскіх картак. У тым ліку зламыснікі выкарыстоўваюць папулярныя месенджары, каб звязвацца з кліентамі розных банкаў. Толькі з пачатку года ў Беларусі з боку Vіber было заблакавана больш за 3 000 акаўнтаў з прыкметамі махлярства, на якія паскардзіліся жыхары нашай краіны. У сувязі з гэтым спецыяльныя праграмы папярэджваюць сваіх карыстальнікаў аб рызыках і нагадваюць, як засцерагчы сябе ў выпадку зносін з ашуканцамі.


Часцей за ўсё ашуканцы тэлефануюць карыстальнікам з падробленых акаўнтаў розных банкаў і прадстаўляюцца іх супрацоўнікамі (вядомыя выпадкі, калі зламыснікі называлі сябе прадстаўнікамі Беларусбанка). Пры гэтым у якасці фатаграфіі такога акаўнта выкарыстоўваюць лагатып банка, а назва акаўнта ў месенджары ідэнтычная назве банка. У працэсе зносін зламыснікі рознымі шляхамі імкнуцца даведацца ў карыстальнікаў даныя іх банкаўскіх картак.

Кампанія Rakuten Vіber нагадвае, што катэгарычна нельга перадаваць суразмоўцам у месенджарах:

• даныя сваёй карткі: нумар, тэрмін дзеяння, CVV-код;

• любы PІN-код;

• лагін і пароль ад інтэрнэт-банкінгу;

• пароль 3D Secure;

• SMS-пароль.

Ні ў якім разе не варта раскрываць даныя вашай банкаўскай карткі, кім бы ні прадставіўся ваш суразмоўца: супрацоўнікам банка або прадстаўніком любых іншых арганізацый. У выпадку атрымання падобных званкоў у месенджары варта спыніць размову і патэлефанаваць па нумары, указаным на афіцыйным сайце вашага банка або на адваротным баку вашай банкаўскай карткі.

Вы таксама можаце адзначыць нумар тэлефона махляра як «Спам» у праграме. Для гэтага скарыстайцеся некалькімі рэкамендацыямі месенджараў. Спачатку адкрыйце дыялогавае акно з гэтым карыстальнікам. Зразумела, што адпраўніка няма ў вашым спісе кантактаў, таму праграма адразу ж прапануе вам функцыю «Дадаць у кантакты» — не рабіце гэтага. Для блакавання непажаданага карыстальніка вы можаце выбраць «Гэта спам» або «Заблакаваць»: яго акаўнт будзе заблакаваны ў абодвух выпадках. Пры пэўнай колькасці такіх адзнак карыстальнікаў аб тым, што профіль займаецца спам-рассылкай ці фэйк-званкамі, гэты карыстальнік будзе заблакаваны і не зможа больш нікога патурбаваць у месенджары.

Вы таксама можаце перадаць інфармацыю аб падробленым запісе ў службу падтрымкі. Для гэтага:

• зрабіце скрыншоты нумара тэлефона, пры дапамозе якога з вамі звязваўся зламыснік у Vіber;

• перайдзіце на сайт help.vіber.com/ru/contact;

• у адкрытым акне запоўніце форму зваротнай сувязі, расказаўшы аб праблеме і прымацаваўшы скрын.

Месенджары імкнуцца даць сваім карыстальнікам магчымасць для зручных і бяспечных зносін, дзе б яны ні знаходзіліся. Усе чаты Vіber абаронены скразным шыфраваннем па ўмаўчанні. Гэты спосаб перадачы даных мае на ўвазе, што толькі карыстальнікі, якія ўдзельнічаюць у зносінах, маюць доступ да кантэнту. Ключы шыфравання захоўваюцца ў тэлефоне карыстальніка і ніхто старонні не можа атрымаць да іх доступ. Vіber таксама не захоўвае кантэнт на сваіх серверах — усе паведамленні пасля дастаўкі адрасату выдаляюцца.

Сяргей КУРКАЧ

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.