Вы тут

«Калядны вечар» стаў ужо добрай традыцыяй


«Калядны вечар» міжнароднага грамадскага аб'яднання «Хрысціянскі адукацыйны цэнтр імя святых Мяфодзія і Кірылы» стаў ужо добрай традыцыяй. У гэтым годзе ён быў прысвечаны памяці мітрапаліта Філарэта, ганаровага Патрыяршага Экзарха ўсяе Беларусі. Менавіта ён быў заснавальнікам і першым старшынёй хрысціянскага адукацыйнага цэнтра.


Цяперашні форум узначаліў мітрапаліт Мінскі і Заслаўскі Веніямін:

— Гэты год у нас абвешчаны Годам адзінства, і ў калядныя дні мы гаворым пра адзінства беларусаў на духоўнай падставе. Усё, што мы маем добрага і станоўчага вакол сябе сёння, вызначаецца верай і жыццём нашых бацькоў і прадзедаў, якія жылі адпаведна з верай хрысціянскай, прычым з верай жывой і ўвасобленай. Калі ж ёсць нейкія недахопы, то гэта вынік нашых памылак і забыцця тых ісцін, якія нам перадалі нашы продкі, — упэўнены мітрапаліт Веніямін.

Міжнароднае грамадскае аб'яднанне «Хрысціянскі адукацыйны цэнтр імя святых Мяфодзія і Кірылы» з'яўляецца грамадскай арганізацыяй, cтворанай па ініцыятыве Беларускай праваслаўнай царквы з мэтай сумеснай рэалізацыі царкоўна-дзяржаўных, эканамічных, сацыяльных, культурных і рэлігійных ініцыятываў як на тэрыторыі Рэспублікі Беларусь, так і іншых краін. Членамі аб'яднання з'яўляюцца святары і свецкія людзі, прадстаўнікі культурнай і навуковай грамадскасці, кіраўнікі і супрацоўнікі ўстаноў адукацыі і аховы здароўя, вытворчых прадпрыемстваў. Кірункамі дзейнасці аб'яднання з'яўляецца хрысціянская асвета, дабрачыннае, сацыяльнае і адукацыйнае служэнне сучаснаму грамадству праз рэалізацыю і падтрымку розных культурных, адукацыйных, сацыяльных і навуковых праграм.

У гэтым годзе за асаблівы ўнёсак у справу хрысціянскай асветы і адукацыі, дбайнае служэнне Царкве Хрыстовай у справе выхавання моладзі, уклад у развіццё тэалагічнай адукацыі калядныя прэміі цэнтра ўручаны протаіерэю Андрэю Смольскаму, клірыку Віцебскай епархіі, кіраўніку аддзела рэлігійнай адукацыі і катэхізацыі Віцебскай епархіі, а таксама Галіне Нікалаенка, старшыні грамадскага аб'яднання «Беларускае педагагічнае таварыства», прарэктару па навукова-метадычнай рабоце Акадэміі паслядыпломнай адукацыі, прафесару кафедры сучасных методык і тэхналогій адукацыі, доктару педагагічных навук.

Завяршыўся «Калядны вечар» канцэртнай праграмай «Музычнае прынашэнне», арганізаванай сумесна з Беларускім саюзам музычных дзеячаў. У канцэрце ўзялі ўдзел заслужаны калектыў Рэспублікі Беларусь — Дзяржаўная акадэмічная харавая капэла імя Рыгора Шырмы пад кіраўніцтвам Вольгі Янум, мітрапаліцкі хор Мінскага Свята-Духава кафедральнага сабора пад кіраўніцтвам Віталя Сабалеўскага, а таксама камерны хор Беларускага саюза музычных дзеячаў «Salutarіs».

Наталля ТАЛІВІНСКАЯ

Фота і відэа Яна ХВЕДЧЫНА

Загаловак у газеце: На духоўнай падставе

Выбар рэдакцыі

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота... 

Калейдаскоп

Чым апырскаць памідоры ад фітафторы, калі на іх ужо завязі і кветкі

Чым апырскаць памідоры ад фітафторы, калі на іх ужо завязі і кветкі

Як і любую іншую хваробу, фітафтароз лягчэй папярэдзіць, чым лячыць.

Культура

Беразіно: цэнтр на шляху «з вараг у грэкі»

Беразіно: цэнтр на шляху «з вараг у грэкі»

Радзімазнаўства. Адрасы пісьменства. Сумесны праект Мінаблвыканкама і «Звязды».