Вы тут

«Ларс» нясе багатыя ападкі


А ўсё ж такі зіма ў нас вельмі капрызная дама з досыць кепскім характарам. Вось і на гэтым тыдні чакаецца вельмі няўстойлівае надвор'е.

Згаданы цыклон прынясе ў краіну завеі і парывісты вецер, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Паўднёвы цыклон «Ларс» заляціць да нас у аўторак і «даставіць» на тэрыторыю Беларусі даволі складаныя ўмовы надвор'я. Чакаюцца моцныя ападкі ў выглядзе снегу, мокрага снегу і нават дажджу амаль па ўсёй тэрыторыі краіны. Найбольш істотны прырост снежнага покрыва (да 15—20 см) будзе па захадзе краіны. Цыклон прынясе з сабой густыя туманы, а на асобных участках дарог магчымая галалёдзіца. Удзень у аўторак у многіх раёнах краіны будзе ўзмацняцца вецер — парывамі да 15—20 м/с, а ў дзённыя гадзіны па поўдні месцамі — да 21—23 м/с. Тэмпература паветра на працягу сутак складзе ад мінус 2 градусаў да 4 цяпла.

На жаль, і ў сераду захаваюцца складаныя ўмовы надвор'я. На большай частцы краіны чакаецца снег, мокры снег, уначы месцамі — моцны снег, завіруха. На асобных участках дарог магчымая галалёдзіца. Уначы і раніцай у многіх раёнах краіны будзе ўзмацняцца вецер парывамі да 15—20 м/с, у асобных раёнах — да 23 м/с. Тэмпература паветра ўначы складзе ад нуля да мінус 5 градусаў, удзень будзе ад мінус 3 да 2 градусаў вышэй за нуль.

У чацвер, што нядзіўна, зноў «запахне» зімой. Уначы месцамі, а ўдзень на большай частцы краіны пройдзе кароткачасовы снег. На асобных участках дарог чакаецца галалёдзіца. Тэмпература паветра ўначы складзе 1—6 марозу, пры праясненнях — да мінус 9 градусаў. Удзень будзе ад мінус 4 градусаў да 1 цяпла.

Паводле папярэдніх прагнозаў айчынных сіноптыкаў, у пятніцу перыядычна будзе ісці снег. На асобных участках дарог чакаецца галалёдзіца. Тэмпература паветра ўначы складзе 2—8 марозу, пры праясненнях — да мінус 10 градусаў. Удзень будзе ад мінус 5 градусаў да 1 цяпла. Незразумела, ці то зіма, ці то еўразіма?

Сяргей КУРКАЧ

Выбар рэдакцыі

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота... 

Калейдаскоп

Чым апырскаць памідоры ад фітафторы, калі на іх ужо завязі і кветкі

Чым апырскаць памідоры ад фітафторы, калі на іх ужо завязі і кветкі

Як і любую іншую хваробу, фітафтароз лягчэй папярэдзіць, чым лячыць.

Культура

Беразіно: цэнтр на шляху «з вараг у грэкі»

Беразіно: цэнтр на шляху «з вараг у грэкі»

Радзімазнаўства. Адрасы пісьменства. Сумесны праект Мінаблвыканкама і «Звязды».