Вы тут

Калі побач сапраўдны доктар...


Не адважуся пісаць па-беларуску, бо, на жаль, дрэнна ведаю мову, хоць «Звязду» выпісваю вельмі даўно. З задавальненнем чытаю артыкулы Алены Ляўковіч, Святланы Яскевіч ды іншых, рада, што ў краіне ёсць газета вельмі блізкая да людзей.


Неяк у ёй друкаваўся артыкул пра суседнюю, Доўскую бальніцу, таму зараз я хацела б расказаць пра сваю, Гарадзецкую, пра нашага доктара Ірыну Уладзіміраўну Місачэнку.

Яна сапраўдны прафесіянал і лекар ад Бога — прычым, вельмі ўважлівы, добразычлівы і пазітыўны. Умее выслухаць і падбадзёрыць, умее пераканаць чалавека, што ён абавязкова паправіцца...

Усё гэта мы з мужам ведаем не па чутках, бо не так даўно захварэлі на ковід. Ірына Уладзіміраўна адразу прыехала да нас дадому, узяла мазкі, напісала, якія лекі і як прымаць. Потым яшчэ не раз тэлефанавала, пыталася, як сябе адчуваем, двойчы на тыдзень заязджала, мерала ціск, слухала, ці няма хрыпу ў лёгкіх...

Пасля адной з такіх праверак мне давялося зрабіць рэнтген — лячыць правабаковую пнеўманію.

І зноў побач са мной была доктар: прызначыла лекі, сачыла за тым, як я іду на папраўку.

...Ведаю, што Ірына Уладзіміраўна лячыла і вылечыла не толькі нас з мужам, але і многіх іншых аднавяскоўцаў. А таму праз газету хачу падзякаваць ёй і ўсяму калектыву нашай бальніцы за працу, за ўвагу да нас, пацыентаў, пажадаць у гэты вельмі няпросты час моцнага здароўя і сіл.

М. С. Краўцова,

в. Высокае, Рагачоўскі раён.

Выбар рэдакцыі

Грамадства

Сёння распачынае работу УНС у новым статусе

Сёння распачынае работу УНС у новым статусе

Амаль тысяча дзвесце чалавек збяруцца, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.