Вы тут

У Беларусі больш за 50 працэнтаў прыродных комплексаў і экасістэм захаваны ў натуральным стане


У Беларусі больш за 50 працэнтаў прыродных комплексаў і экалагічных сістэм захаваны ў натуральным стане. Аб гэтым на прэс-канферэнцыі «Захаванне натуральных экасістэм, біялагічнай і ландшафтнай разнастайнасці ў Беларусі. Рэалізацыя праекта міжнароднай тэхнічнай дапамогі «Развіццё экалагічнага турызму для садзейнічання зялёнаму пераходу да інклюзіўнага і ўстойлівага росту» расказаў кансультант аддзела біялагічнай разнастайнасці Міністэрства прыродных рэсурсаў і аховы навакольнага асяроддзя Беларусі Віталь Каранчук, паведамляе БелТА.


Фота: БелТА.

«Прыродныя комплексы і экалагічныя сістэмы, якія прадстаўлены ляснымі, балотнымі масівамі, лугамі, рэкамі і азёрамі, займаюць каля 12 млн га, што складае каля 58 працэнтаў тэрыторыі нашай краіны. І яны характарызуюцца вельмі высокай ступенню захаванасці — больш за 50 працэнтаў захаваны ў натуральным стане», — сказаў Віталь Каранчук.

Паводле яго слоў, ахоўныя прыродныя тэрыторыі ўяўляюць найбольшую цікавасць для развіцця экалагічнага турызму.

«У Беларусі 1407 такіх аб’ектаў, у тым ліку адзін запаведнік, чатыры нацыянальныя паркі, 99 заказнікаў рэспубліканскага значэння, 282 заказнікі мясцовага значэння і больш за 800 помнікаў прыроды рэспубліканскага і мясцовага значэння. Сёння іх агульная плошча складае 1879, 1 тыс. га і дасягае 9 працэнтаў ад тэрыторыі краіны, — падкрэсліў ён. — Згодна з Нацыянальнай стратэгіяй развіцця сістэмы асабліва ахоўных прыродных тэрыторый гэты паказчык павінен складаць 8,8 працэнта ад плошчы краіны. Можна сказаць, што план перавыкананы. У далейшым мы разлічваем прадоўжыць гэту работу».
Спецыяліст расказаў, што асабліва ахоўныя прыродныя тэрыторыі забяспечваюць захаванне прыроднай раўнавагі, генетычнага фонду і служаць цэнтрамі аднаўлення аб’ектаў расліннага і жывёльнага свету ў спалучэнні з абмежаваным і ўзгодненым выкарыстаннем іншых прыродных рэсурсаў. У межах гэтых тэрыторый жыве больш за 80 працэнтаў відаў рэдкіх і знаходзімых пад пагрозай знікнення дзікарослых раслін і каля 90 працэнтаў рэдкіх дзікіх жывёл.

«На сёння ў Нацыянальнай стратэгіі развіцця сістэмы асабліва ахоўных прыродных тэрыторый вызначана 39 аб’ектаў, якія могуць быць перспектыўнымі для арганізацыі экалагічнага турызму. Для 29 такіх тэрыторый у нас створаны так званыя структуры кіравання — дзяржаўныя прыродаахоўныя ўстановы, — адзначыў ён. — Для развіцця экалагічнага турызму распрацавана 45 сцежак і 144 зялёныя маршруты. У тым ліку ў чатырох нацыянальных парках і Бярэзінскім біясферным запаведніку створаны 62 экалагічныя маршруты і ўладкавана больш за 20 сцежак».

На думку прадстаўніка Мінпрыроды, нягледзячы на прыкладзеныя намаганні, патэнцыял такіх прыродных тэрыторый выкарыстоўваецца не ў поўнай меры. «Гэта звязана з няхваткай кваліфікаваных спецыялістаў, якія валодаюць замежнымі мовамі, маюць навыкі фарміравання турыстычнага прадукту і яго папулярызацыі. Гэтыя праблемы неабходна вырашаць у тым ліку з дапамогай арганізацыі навучальных курсаў і семінараў», — адзначыў Віталь Каранчук.

Міністэрства плануе наладзіць агульную экалагічную сетку ў Беларусі, што дасць магчымасць аднавіць «парушаныя звёны», а таксама інтэграваць гэту сетку ў агульнаеўрапейскую. Таксама ў планах аднавіць парушаныя экасістэмы, асабліва лугоў і балот, прыцягваць большую колькасць турыстаў для наведвання асабліва ахоўных прыродных тэрыторый і інш.

Выбар рэдакцыі

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.

Палітыка

Вялікая размова с кіраўніком Брэсцкай вобласці пра лёс рэгіёну

Вялікая размова с кіраўніком Брэсцкай вобласці пра лёс рэгіёну

«Асноўная задача — павысіць эфектыўнасць вытворчасці. Для гэтага патрэбна падняць аграрную галіну на больш высокі тэхналагічны ўзровень»

Грамадства

Экалагічна і эканамічна: як жыць па прынцыпе «Нуль адходаў»?

Экалагічна і эканамічна: як жыць па прынцыпе «Нуль адходаў»?

Гэта прынцыпы, накіраваныя на зніжэнне колькасці смецця і захаванне рэсурсаў планеты.

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.