Вы тут

Родныя казкі на Блізкім Усходзе


Дзякуючы рэгіянальнаму праекту «З рога ўсяго многа» па матывах беларускіх казак іх вобразы ўвайшлі ў жыццё дзяцей, якія жывуць у Іарданіі, Сірыі ды Ліване.


Дзецям уручылі ўзнагароды ў іарданскім Амане.

Беларускія казкі — гэта цэлы дзівосны свет. І дзякуючы праекту «З рога ўсяго многа», які праводзіўся па іх матывах, у жыццё дзяцей, якія жывуць у Іарданіі, Сірыі ды Ліване, увайшлі нашы казкі. Разам з мамамі, выкладчыкамі дзеці паглыбляліся ў казачны свет, выбіралі персанажаў для малюнкаў. Яны ж, дасланыя на конкурс, здзіўляюць маляўнічасцю, эмоцыямі, зараджаюць гледачоў станоўчай энергіяй. За кожным малюнкам — і свет юнага творцы, і крышку адметнай беларускай культуры.

Малюнкі дзяцей з Іарданіі, прадстаўленыя на міжнародны казачны конкурс.

Конкурс «З рога ўсяго многа» ладзілі Культурна-асветніцкае аб’яднанне беларусаў у Іарданіі, Культурнае аб’яднанне беларусаў у Ліване, дыяспара беларусаў у Сірыі — пры падтрымцы й на прызы Амбасады Беларусі ў Сірыйскай Арабскай Рэспубліцы (Ліванскай Рэспубліцы і Хашэміцкім Каралеўстве Іарданія — па сумяшчальніцтве). Спрацавалі супольна беларускія дыяспары Блізкага Усходу. Натхняльнікі, куратары конкурсу — Аксана Чамеза і Надзея Аль-Алімат (Іарданія), Ірына Вярбіцкая і Юлія Халлак (Ліван), Любоў Аль-Дагістані (Сірыя). Амбасадар Беларусі ў Сірыі Юры Слука, Другі сакратар Пасольства Уладзіслаў Сапронаў аказалі вялікую падтрымку конкурсу: выступілі перш за ўсё як старшыня і член журы. Мастачка Ганна Сілівончык дазволіла выкарыстаць свае працы для афармлення постэраў і дыпломаў конкурсу. 55 работ ад юных мастакоў з трох краін былі прадстаўлены на суд журы.

Пераможцамі конкурсу ў большасці сваёй сталі беларускія дзеткі: Асіль Аль-Кхарабшэх (Іарданія), Даніэль Ітан (Ліван), Радван Тайфур (Іарданія), Дані Абу Гвеля (Іарданія), Марыя Сархан (Сірыя) і Мія Фахед (Ліван).

Дзякуем усім, хто падключыўся да праекта! Спадзяемся, конкурс яшчэ прадоўжыцца — з удзелам моладзі і дарослых мастакоў.

Таццяна МІШЧАНКА, Іарданія, Аман

Нумар у фармаце PDF

Выбар рэдакцыі

Грамадства

Пуд солі. Ружовая, чорная або марская — чым яны адрозніваюцца?

Пуд солі. Ружовая, чорная або марская — чым яны адрозніваюцца?

Раней было прасцей: скончылася ў доме соль — ідзеш у краму і купляеш, і ўсё зразумела.

Эканоміка

Змены ў падатковы кодэкс. Хто заплаціць падатак на кватэру, а хто не?

Змены ў падатковы кодэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.