Вы тут

Сяргей Рачкоў абраны ў склад бюро Пастаяннага камітэта Міжпарламенцкага саюза па пытаннях міру і міжнароднай бяспекі


Член Прэзідыума, старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў абраны ў склад бюро Пастаяннага камітэта Міжпарламенцкага саюза па пытаннях міру і міжнароднай бяспекі.


Яго кандыдатуру вылучыла геапалітычная група «Еўразія» падчас пасяджэння Пастаяннага камітэта, якое прайшло ў ходзе мерапрыемстваў 142-й Асамблеі МПС у рэжыме відэаканферэнцыі. У рамках асамблеі традыцыйна праходзяць выбары ў розныя працоўныя органы МПС. Акрамя Сяргея Рачкова, беларускім бокам былі вылучаны яшчэ кандыдатуры для замяшчэння вакансій у складзе Пастаяннага камітэта па справах ААН, а таксама Бюро жанчын-парламентарыяў і Форуму маладых парламентарыяў.

У размове з журналістамі Сяргей Рачкоў адзначыў, што ў час пасяджэння ў цэнтры ўвагі членаў Пастаяннага камітэта былі парламенцкія стратэгіі па ўмацаванні міру і бяспекі ў рамках процідзеяння пагрозам і канфліктам, звязанымі са стыхійнымі бедствамі і іх наступствамі, якія выкліканы зменамі клімату. Беларусь гатовая да глыбокага абмеркавання дадзеных праблем. Па словах сенатара, наша краіна заўсёды актыўна ўдзельнічае ва ўсіх міжнародных фарматах — міжнародных канферэнцыях і нарадах па праблематыцы клімату.

Сяргей Рачкоў нагадаў, што Беларусь — удзельніца Парыжскага пагаднення па клімаце, яго наша краіна прытрымліваецца і выконвае. У Беларусі выбудоўваецца эфектыўная эканоміка па зберажэнні энергарэсурсаў, робіцца ўпор на развіцці электрычнага транспарту. Вялікі нацыянальны праект — будаўніцтва АЭС — таксама з'яўляецца значным унёскам у вырашэнні экалагічных праблем, захаванні клімату і дасягненні мэт Парыжскага пагаднення, падкрэсліў старшыня Пастаяннай камісіі Савета Рэспублікі.

Ён звярнуў увагу і на тое, што кліматычны крызіс ставіць краіны свету ў няроўныя ўмовы. На думку парламентарыя, больш бедныя краіны пакутуюць ад крызісу ў значнай ступені. Таму вельмі важна міжнароднай супольнасці аб'яднацца, аказваць садзейнічанне такім краінам. І ў гэтым важная роля належыць парламентарыям, напрыклад, Міжпарламенцкаму саюзу, у прыняцці заканадаўства, якое будзе спрыяць рэалізацыі як Парыжскага пагаднення, так і ў цэлым процідзейнічаць крызісам, якія выклікаюць кліматычныя перамены на планеце, зазначыў Сяргей Рачкоў.

Ён таксама сказаў, што падтрымлівае рашэнні па ўсіх пытаннях парадку дня пасяджэння Пастаяннага камітэта. У прыватнасці, Беларусь цвёрда адданая мэтам пераходу да нізкавугляроднай устойлівай эканомікі на карысць агульнай справы па недапушчэнні глабальнага пацяплення і змякчэнні наступстваў змены клімату ў імя дабрабыту сённяшняга і будучых пакаленняў. Істотнай умовай для пераадолення гэтага глабальнага выкліку сучаснасці і паўнавартаснай рэалізацыі існуючага патэнцыялу па барацьбе са зменай клімату з'яўляецца таксама стварэнне справядлівых і прымальных, у тым ліку і для краін з сярэднім узроўнем даходу, крытэрыяў доступу да міжнародных кліматычных фінансавых механізмаў і рэсурсаў, — лічыць сенатар.

У час пасяджэння Пастаяннага камітэта па пытаннях міру і міжнароднай бяспекі адбылася прэзентацыя праекта рэзалюцыі «Парламенцкія стратэгіі па ўмацаванні міру і бяспекі ў рамках процідзеяння пагрозам і канфліктам, звязаным са стыхійнымі бедствамі і іх наступствамі». Рэзалюцыя распрацавана Сенегалам, Шры-Ланкай і інш.

На Асамблеі Міжпарламенцкага саюза таксама запланаваны агульныя дэбаты на тэму «Пераадоленне пандэміі сёння і пабудова лепшага заўтра: роля парламентаў», якія завершацца прыняццем рэзалюцыі двух пастаянных камітэтаў, іх справаздач і выніковага дакумента асамблеі.

Леанід Тугарын

Прэв'ю: БЕЛТА

Загаловак у газеце: Кандыдат «Еўразіі»

Выбар рэдакцыі

Эканоміка

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Сёлета плануецца ўвесці ў эксплуатацыю 4 млн квадратных метраў агульнай плошчы жылля.

Грамадства

Не параўноўвайце сябе з іншымі. Як таксічныя людзі атручваюць наша жыццё?

Не параўноўвайце сябе з іншымі. Як таксічныя людзі атручваюць наша жыццё?

У нашым акружэнні практычна заўсёды знойдзецца песіміст, нечым пакрыўджаны, запальчывы чалавек, вакол якога заўсёды скандалы і звадкі. 

Грамадства

Па ўсёй краіне наступіў час школьных базараў

Па ўсёй краіне наступіў час школьных базараў

Скідкі, растэрміноўкі і шырокі асартымент