У Беларусi заснавана новае дзяржаўнае свята — Дзень народнага адзiнства. Адпаведны ўказ нумар 206 Прэзiдэнт Аляксандр Лукашэнка падпiсаў 7 чэрвеня.
Дакумент уносiць змяненнi ва ўказ нумар 157 ад 26 сакавiка 1998 года «Аб дзяржаўных святах, святочных днях i памятных датах у Рэспублiцы Беларусь».
Дзень народнага адзiнства будзе адзначацца 17 верасня (не выхадны дзень). «Гэты дзень стаў актам гiстарычнай справядлiвасцi ў адносiнах да беларускага народа, падзеленага супраць яго волi ў 1921 годзе ва ўмовах Рыжскага мiрнага дагавора, i назаўсёды замацаваўся ў нацыянальнай гiстарычнай традыцыi», — расказалi ў прэс-службе.
Адноўленае ў 1939 годзе адзiнства дало магчымасць Беларусi выстаяць у гады Вялiкай Айчыннай вайны, заняць пачэснае месца ў мiжнароднай супольнасцi, стаць адным з сузаснавальнiкаў Арганiзацыi Аб'яднаных Нацый.
«Сёння беларускi народ адзiны ў выбары стратэгiчнага курсу на развiццё моцнай, суверэннай i працвiтаючай краiны. Устанаўленне Дня народнага адзiнства 17 верасня падкрэслiвае пераемнасць пакаленняў, непахiснасць i самадастатковасць беларускай нацыi i дзяржаўнасцi», — заявiлi ў прэс-службе кiраўнiка дзяржавы.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
