Вы тут

«Гэта выпакутаваная дата, гэта выпакутаванае свята»


Першы ў гісторыі Дзень народнага адзінства аб’яднаў усю Беларусь. У знакамітай «Мінск-арэне» сабраліся людзі з усёй краіны. Комплекс адначасова можа прыняць 15 000 чалавек і 17 верасня тут быў сапраўдны аншлаг. Людзі з кожнага беларускага куточка сабраліся, каб сёння быць тут разам. Усіх аб’яднаў святочны настрой і адчуванне гістарычнасці моманту. 


Фота:БелТА

Супрацоўніцы Рэспубліканскай клінічнай стаматалагічнай паліклінікі на свята прыйшлі разам. «Сёння людзі гатовыя святкаваць гэты дзень. Мы думаем, што такое свята прыжывецца і з кожным годам людзі будуць актыўней яго святкаваць. Адзінства народа залежыць ад усіх нас саміх, нам заўсёды патрэбна быць разам. Увогуле даўно трэба было ўвесці такое свята. У будучым гэта аб’яднае ўвесь народ і ў нас будзе панаваць мір, любоў і пакой», — аб’ядналіся ў сваім меркаванні жанчыны. 

Маладыя людзі Таццяна і Максім з Мінска пажадалі, каб такое свята было выхадным днём. «Настрой і так добры, а ў выхадны дзень ён будзе яшчэ лепшы», — растлумачыла пара. 

Старшыня Мінскага абласнога аб’яднання прафсаюзаў Віктар МАЛІНОЎСКІ ўпэўнены, што гэтае свята патрэбнае, каб аб’яднаць людзей. «Мы пражылі нейкі час, калі нас сілком падзялілі і тады гістарычная справядлівасць перамагла. І сёння мы аддаем даніну павагі тым пакаленням. Калі мы адзіныя, нас не перамагчы. Можа, гэта і пафасна гучыць, але гэта менавіта так. Нацыі і нацыянальнасці ёсць розныя, але ўсё-ткі мы беларусы, таму што гэта наша родная краіна», — адзанчыў ён. 

Удзельнікі свята ўпэўнены, што дзень народнага адзінства заахвоціць людзей лепш даведацца сваю гісторыю. Магчыма, не ўсе ведаюць гісторыю гэтага свята, але абавязкова захочуць з ёй пазнаёміцца. 

«Гэта выпакутаваная дата, гэта выпакутаванае свята. І трэба, каб прайшло нямала часу, каб яно стала гістарычна запатрабаваным. Гэта свята, гэта дзень яднання. І мы перажылі пераломны момант, калі трэба адчуць гэта яднанне. Трэба паказваць моладзі, што мы не стаім на месцы. І гэтае свята — гэта наша развіццё. Яно кансалідуе ўсё лепшае, што ў нас ёсць і дае магчымасці далей развівацца», — упэўнены Віктар Маліноўскі. 

Валерыя СЦЯЦКО

Выбар рэдакцыі

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.