Вы тут

Галоўны санітарны ўрач Мінска заявіла аб дамінаванні амікрон-штаму ў сталіцы


З усіх штамаў, якія цыркулююць у Мінску, на амікрон прыпадае 80 працэнтаў, расказала галоўны дзяржаўны санітарны ўрач сталіцы Святлана Ярмак, перадае БелТА.


«У Мінску, як і ва ўсіх рэгіёнах Беларусі, назіраецца рост захворванняў на вострыя рэспіраторныя інфекцыі і каранавірус. Гэта чакана. З усіх штамаў, якія былі выяўлены ў хворых, на амікрон прыпадае 80 працэнтаў. Паводле даных сусветных даследаванняў, у лютым ён заменіць іншыя, якія цыркулявалі і пераважалі ў грамадстве раней. На шчасце, ён не такі патагенны, як іншыя», — расказала Святлана Ярмак.

Яна нагадала, што да асноўных сімптомаў пры захворванні амікрон-штамам адносяцца боль у горле, чханне, насмарк, у некаторых адзначаецца нязначнае павышэнне тэмпературы, ламота і слабасць.

Галоўны спосаб абараніць сябе ад цяжкага праходжання COVID-19 — вакцынацыя. Дзякуючы ёй хвароба праходзіць значна лягчэй і хутчэй. «Заўважылі, што з прышчэпкай грамадзяне хварэюць на каранавірус літаральна на працягу пяці дзён, пры гэтым ён праходзіць як вострая рэспіраторная інфекцыя. Дапоўню, што пасля ў тых, хто перахварэў, практычна не назіраецца ўскладненняў накшталт пнеўманіі, розных непрыемных пабочных эфектаў», — заўважыла галоўны санітарны ўрач.

Разам з тым людзям не трэба забываць пра іншыя метады прафілактыкі распаўсюджвання каранавіруснай інфекцыі. Гэта сацыяльнае дыстанцыраванне, выкарыстанне сродкаў індывідуальнай аховы органаў дыхання, гігіена рук.

Прэв’ю: БелТА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.