Вакцына супраць ветраной воспы з’явіцца ў Беларусі ў найбліжэйшы час, паведаміў журналістам намеснік міністра аховы здароўя — галоўны дзяржаўны санітарны ўрач Аляксандр Тарасенка, перадае БелТА.
«Праводзіцца працэдура закупак. Вакцына супраць ветранай воспы не ўваходзіць у нацыянальны каляндар прышчэпак, але для грамадзян, якія жадаюць прышчапіцца, у першую чаргу прышчапіць дзіцячае насельніцтва, такая магчымасць будзе прадастаўлена ў бліжэйшы час», — сказаў Аляксандр Тарасенка.
Як паведаміла раней на прэс-канферэнцыі загадчыца аддзела эпідэміялогіі Рэспубліканскага цэнтра гігіены, эпідэміялогіі і грамадскага здароўя Вераніка Высоцкая, Міністэрства аховы здароўя прапрацоўвае з вытворцамі пытанне пастаўкі ў Беларусь вакцыны супраць ветранай воспы.
У Інтэрнэце прайшла інфармацыя, што з беларускіх паліклінік знікла вакцына «Варылікс», якая ўжываецца для прафілактыкі ветранай воспы. «Міністэрства аховы здароўя ўшчыльную займалася пытаннем арганізацыі паставак дадзенага лекавага прэпарата на тэрыторыю нашай краіны. На жаль, быў атрыманы афіцыйны адказ ад фірмы-вытворцы GlaxoSmithKline аб тым, што на працягу 2022 года ў сувязі з глабальнымі праблемамі з вытворчасцю пастаўка дадзенага вакцынавага прэпарата на тэрыторыю нашай краіны немагчымая», — адзначыла Вераніка Высоцкая.
«Маючы дадзеную інфармацыю, Міністэрства аховы здароўя працягвае актыўную працу па рашэнні дадзенага пытання, камунікуючы з іншымі вытворцамі. Пытанне знаходзіцца ў стадыі прапрацоўкі», — адзначыла тады загадчыца аддзела.
Айчынныя тэст-сістэмы для выяўлення воспы малпаў плануюць распрацаваць у Беларусі да сярэдзіны чэрвеня.
«У нас дадзеныя распрацоўкі вядуцца аператыўна. Мы чакаем, што да сярэдзіны чэрвеня будзе дыягностыкум», — сказаў Аляксандр Тарасенка.
Ён адзначыў, што пры ўзнікненні неабходнасці правесці дыферэнцыяльную дыягностыку ў больш ранні тэрмін, біялагічны матэрыял перададуць у навуковы цэнтр вірусалогіі «Вектар» (Расія). Адпаведная дамоўленасць ёсць з Расспажыўнаглядам.
Прэв’ю: pixabay.com
Сумесныя праекты ядзерных тэхналогій.
