Сёння каля гадзіны ночы ў Гомельскім раёне ў выніку наезду на перашкоду загарэўся аўтамабіль.
Паводле папярэдняй інфармацыі, 21-гадовы вадзіцель, які кіраваў аўтамабілем «Мазда 3», на 11-м кіламетры аўтадарогі «Навабеліца — Клёнкі — Рудня Спаніцкая» з-за няправільнай выбранай хуткасці руху на закругленні дарогі не справіўся з кіраваннем транспартным сродкам, з’ехаў у кювет, дзе здзейсніў наезд на дрэва, з-за чаго аўтамабіль загарэўся.
Як паведамляе аддзяленне па агітацыі і прапагандзе ДАІ УУС Гомельскагааблвыканкама, у агні загінуў кіроўца. Яго 22-гадоваму пасажыру, які ехаў на пярэднім сядзенні, пашанцавала крыху больш: з рознымі траўмамі ён шпіталізаваны ў нейрахірургічнае аддзяленне медыцынскай установы.
Па факце ДТЗ праводзіцца праверка: устанаўліваюцца ўсе акалічнасці здарэння, а таксама фізічны стан кіроўцы.
Сяргей РАСОЛЬКА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
