Апорай дзяржавы павінна быць сацыяльна адказная грамадзянская супольнасць. Аб гэтым заявіў кіраўнік Адміністрацыі Прэзідэнта Ігар Сергеенка на нарадзе ў Прэзідэнта па законапраектах аб грамадзянскай супольнасці, дзейнасці палітычных партый і іншых грамадскіх аб’яднанняў, перадае БелТА.
«Улада павінна бачыць актыўнасць людзей, выбудоўваць з імі адпаведную работу, каб мець апору ў выглядзе сацыяльна адказнай грамадзянскай супольнасці», — падкрэсліў Ігар Сергеенка.
Ён адзначыў, што за гады незалежнасці органамі дзяржаўнага кіравання выбудавана работа з грамадскім сектарам: прафсаюзы займаюцца аховай працы і прыцягваюцца да кантролю за цэнаўтварэннем, прадстаўнікі грамадскасці ўключаюцца ў работу кансультацыйных саветаў пры дзяржорганах, спецыялізаваныя грамадскія структуры аказваюць сацыяльныя паслугі.
«Разам з тым патэнцыял грамадскага сектара ў рэалізацыі дзяржаўнай палітыкі выкарыстоўваецца не ў поўнай меры. Так, на абарону жывёл у Белавежскай пушчы з-за будаўніцтва Польшчай „жалезнай заслоны“ першай устала „Белая Русь“. У той жа час работа экалагічных арганізацый, якіх налічваецца каля 20, не была прыкметная», — прывёў прыклад кіраўнік Адміністрацыі Прэзідэнта.
Прэв’ю: БелТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
