Вы тут

Мінпрыроды запрашае ўзяць удзел у асеннім месячніку па азеляненні


Ён стартаваў 17 верасня — у Дзень народнага адзінства. Гэта дата выбрана невыпадкова. Як тлумачаць у Мінпрыроды, дзейнасць па азеляненні за шмат гадоў стала адным з сімвалаў яднання жыхароў Беларусі на карысць аднаўлення і захавання прыроды роднага краю.


Для новых...

Эколагі, прадстаўнікі мясцовых органаў кіравання, грамадскіх аб'яднанняў, жыхары аб'яднаюцца для важнай агульнай справы — палепшыць і стварыць новыя зялёныя тэрыторыі ў гарадах і пасёлках, аграгарадках і вёсках краіны. Падчас месячніка па азеляненні плануецца высадзіць больш за 143 тысячы дрэў і звыш 296 тысяч кустоў.

— Азеляненне і добраўпарадкаванне населеных пунктаў — пытанне, важнае не толькі для прыгажосці і камфорту, але і для здароўя людзей, — кажуць у прэс-службе Мінпрыроды. — Па экспертных ацэнках вучоных, адно дрэва сярэдняй велічыні за 24 гадзіны аднаўляе столькі кіслароду, колькі неабходна для дыхання трох чалавек, а зялёныя насаджэнні па ўсім свеце штогод паглынаюць 600 млрд тон вуглякіслага газу і выдзяляюць у атмасферу 400 млрд тон кіслароду.

Дзякуючы дрэвам і кустам, у населеных пунктах становіцца менш пылу і загазаванасці, нармалізуецца ўзровень вільготнасці і адбываецца іанізацыя паветра. А таксама яны выпрацоўваюць фітанцыды — рэчывы, якія знішчаюць бактэрыі. Расліны нейтралізуюць шкодныя злучэнні азоту і серы, зніжаюць узровень гарадскога шуму, могуць выконваць функцыю ветразагароды і зберагаюць ад лішку сонечнай радыяцыі.

За апошнія пяць гадоў у населеных пунктах краіны з дапамогай грамадзян высадзілі больш за 4,2 мільёны дрэў і кустоў. Сёння ў 83 % гарадоў і раёнаў Беларусі ўзровень азялененасці адпавядае экалагічным нарматывам і патрабаванням. Гэта сур'ёзнае дасягненне як на постсавецкай прасторы, так і ў свеце.

...і былых пакаленняў

Разам з асеннім месячнікам па азеляненні працягваецца і экалагічная акцыя «Дрэва героя». Нагадаем, што ў Год гістарычнай памяці Мінпрыроды ініцыіравала закладку паркаў, алей і садоў, пасадку дрэў у памяць аб загінулых воінах у месцах баявых дзеянняў, а таксама догляд ужо высаджаных дрэў. «Дрэвы заўсёды лічыліся сімвалам працягу жыцця, гэта яднанне продкаў і нашчадкаў, надзей будучага і памяці мінулага», — кажуць у Мінпрыроды.

Жыхары Беларусі ахвотна падтрымалі акцыю, чым зрабілі важны ўнёсак у падтрыманне памяці пра адважных людзей, якія ахвяравалі сваімі жыццямі дзеля міру на нашай зямлі. «Дрэва героя» можна будзе пасадзіць і на працягу асенняга месячніка па азеляненні.

Узяць удзел у месячніку і акцыі можа кожны ахвотны. Для гэтага неабходна звярнуцца ў любы тэрытарыяльны орган Мінпрыроды.

Спецыялісты раскажуць, як менавіта можна стаць удзельнікам мерапрыемстваў, арганізуюць пасадкі драўнінна-хмызняковай расліннасці на землях агульнага карыстання населеных пунктаў і забяспечаць пасадачным матэрыялам і інвентаром.

Кантакты тэрытарыяльных органаў Мінпрыроды

  • Брэсцкі абласны камітэт прыродных рэсурсаў і аховы навакольнага асяроддзя — 8(0162) 25-12-69;
  • Віцебскі абласны камітэт прыродных рэсурсаў і аховы навакольнага асяроддзя — 8(0212) 24-74-40;
  • Гомельскі абласны камітэт прыродных рэсурсаў і аховы навакольнага асяроддзя — 8(0232) 23-24-91;
  • Гродзенскі абласны камітэт прыродных рэсурсаў і аховы навакольнага асяроддзя — 8(0152) 62-01-60;
  • Мінскі абласны камітэт прыродных рэсурсаў і аховы навакольнага асяроддзя — 8(017) 375-54-54;
  • Магілёўскі абласны камітэт прыродных рэсурсаў і аховы навакольнага асяроддзя — 8(0222) 64-79-01;
  • Мінскі гарадскі камітэт прыродных рэсурсаў і аховы навакольнага асяроддзя — 8(017) 350-88-48.

Настасся АЛЯКСЕЕВА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.