Работнікам і ветэранам сельскай гаспадаркі і перапрацоўчай прамысловасці аграпрамысловага комплексу
Прыміце самыя сардэчныя віншаванні з прафесійным святам.
Стваральная любоў да роднай зямлі і павага да нялёгкай сялянскай працы заўсёды былі фундаментальнымі каштоўнасцямі беларускага народа. Менавіта гэтыя традыцыі шмат у чым вызначылі наш лёс, дапамаглі пабудаваць моцную незалежную дзяржаву.
Сёлета ў Беларусі, нягледзячы на санкцыйны ціск і прыродныя катаклізмы, сабраны дастойны ўраджай. І гэтая новая перамога больш за дзве сотні тысяч сціплых, працавітых вяскоўцаў — вялізны ўклад у харчовую бяспеку краіны.
Аграпрамысловы комплекс краіны паспяхова і стабільна развіваецца. Укараненне перадавых тэхналогій земляробства і жывёлагадоўлі, мадэрнізацыя перапрацоўчых прадпрыемстваў, пастаянная работа вучоных па паляпшэнні насеннага і племяннога фонду адкрываюць шырокія магчымасці для будучых дасягненняў.
Перакананы, што і ў далейшым айчынныя аграрыі выканаюць усе найважнейшыя задачы, прадаўжаючы прымнажаць вытворчы і экспартны патэнцыял галіны.
У гэты святочны дзень шчыра жадаю вам і вашым блізкім моцнага здароўя, выдатнага настрою, заўсёды добрага надвор'я і стабільна высокіх ураджаяў.
Прэзідэнт Рэспублікі Беларусь
Аляксандр Лукашэнка
Прэв’ю: БелТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
