Спажывецкі рынак Кітая пайшоў у рэзкі рост

Згодна з дадзенымі Дзяржаўнага статыстычнага ўпраўлення КНР, з аднаўленнем спажывецкага рынку падчас вакацый з нагоды кітайскага Новага года пачаўся значны ўздым у сферы паслуг, перадае «Жэньмінь жыбаа» анлайн».

Паводле афіцыйнай статыстыкі, у студзені індэкс дзелавой актыўнасці ў невытворчым сектары Кітая склаў 54,4 працэнта, што на 12,8 працэнтнага пункта больш, чым у папярэднім месяцы. Індэкс дзелавой актыўнасці ў сферы паслуг узрос да 54 працэнта, перапыніўшы шасцімесячную тэндэнцыю да зніжэння.

Па словах старэйшага статыстыка Цэнтра даследаванняў сферы паслуг пры Нацыянальным бюро статыстыкі КНР Чжаа Цінхэ, у студзені 15 з 21 апытанай галіны ў сферы паслуг знаходзіліся ў стадыі росту. У прыватнасці, назіраўся рост індэксаў дзелавой актыўнасці вышэй за 60 працэнтаў у індустрыях чыгуначнага транспарту, авіяперавозак, паштовай сувязі, грашова-крэдытных і фінансавых паслуг і страхавання. У той жа час індэксы дзелавой актыўнасці ў індустрыях рознічнага гандлю, турызму і грамадскага харчавання, якія ў большай ступені пацярпелі падчас пандэміі, узраслі на 24 працэнтных пункта ў параўнанні з папярэднім месяцам. Дадзеныя сведчаць аб тым, што гатоўнасць насельніцтва да спажывання значна ўзрасла, і дзякуючы гэтаму аднавілася рыначная актыўнасць.

З пункту гледжання попыту, у студзені індэкс новых заказаў склаў 51, 6 працэнта, павялічыўшыся з 14,2 працэнтных пункта ў мінулым месяцы. Рост індэкса дзелавых чаканняў на 12 працэнтных пункта — да 64,3 працэнта — сведчыць аб тым, што чаканні прадпрыемстваў у сферы паслуг паступова паляпшаюцца. Статыстычныя дадзеныя таксама сведчаць, што на студзень прыпаў бум будаўнічай галіны Кітая. Індэкс дзелавой актыўнасці ў будаўнічай індустрыі склаў 56,4 працэнта, што на 2 працэнтныя пункты вышэй, чым у папярэднім месяцы. Індэкс дзелавых чаканняў склаў 68,2 працэнта (у параўнанні з 6,7 працэнтнымі пунктамі ў мінулым месяцы). Будаўнічая галіна Кітая дэманструе рост на працягу двух месяцаў запар, гэта сведчыць аб тым, што з укараненнем розных мер па садзейнічанні рэалізацыі буйных праектаў будаўнічыя кампаніі захоўваюць аптымізм у адносінах да развіцця рынку.