На пасяджэнні Асіповіцкага райвыканкама з удзелам Кіраўніка Адміністрацыі Прэзідэнта Ігара Сергеенкі было разгледжана пытанне аб арганізацыі ідэалагічнай і выхаваўчай работы ў арганізацыях да 100 чалавек.
Кіраўнік Адміністрацыі Прэзідэнта адзначыў, што галоўная задача такіх пасяджэнняў — не справаздачы аб праведзенай рабоце, а абмеркаванне праблемных пытанняў, перспектыў іх вырашэння. У якасці прыклада выбудоўвання работы з супрацоўнікамі на прадпрыемствах з невялікім калектывам прыводзіўся Асіповіцкі кансервавы завод. У сакавіку мінулага года прадпрыемства змяніла ўласніка. На момант набыцця завода ў яго штаце было 6 чалавек, на сённяшні дзень — больш за 90 супрацоўнікаў.
— Кіраўніком сюды прыйшоў малады хлопец. Мы бачым, як фарміруецца калектыў, як арганізавана праца, які заробак, рынкі збыту. Усё гэта ўвязана ў адзіны працэс, — адзначыў Ігар Сергеенка. — Ідэалагічная работа заключаецца не толькі ў тым, каб правесці масу мерапрыемстваў. Гэта клопат аб людзях, вытворчасці. Выхаваць патрыёта складана, калі дрэнна і абыякава адносіцца да пытанняў, якія ставяць перад намі людзі.
Кіраўнік Адміністрацыі Прэзідэнта таксама азнаёміўся з работай аспіповіцкай гімназіі, дзе разам з педагагічным актывам абмеркаваў працэс цэнтралізаваных іспытаў.
Нэлі ЗІГУЛЯ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
