Вы тут

Беларуская дэлегацыя ўсклала кветкі на магілу Чынгіза Айтматава


У XVI форуме творчай і навуковай інтэлігенцыі СНД «Праз узаемадзеянне культур да садружнасці і міру» ў Бішкеку ў Кыргызстане прымае ўдзел вялікая дэлегацыя ад Беларусі.


Сення навукоўцы, пісьменнікі, музейныя работнікі з Мінска наведалі мемарыяльны комплекс «Ата-Бейіт», дзе пахаваны класік сусветнай і кіргізскай літаратуры Чынгіз Айтматаў, і ўсклалі кветкі да магілы пісьменніка.

— Ужо другі раз у сваім жыцці наведваю гэту мясціну, — пракаменціраваў падзею старшыня Саюза пісьменнікаў Беларусі Алесь Карлюкевіч, — але ўражанні вельмі эмацыйныя. Разумееш, аглядаючы комплекс у гонар Айтматава, якога маштабу пісьменнік жыў у недалёкім ад сенняшняга дня часе. Выдатна, што і зараз яго памятаюць у Беларусі. Не так даўно перавыдадзены раман Айтматава «Буранны паўстанак», перакладчыкам якога на беларускую мову з’яўляецца Міхась Стральцоў. Пяць гадоў назад наш творчы саюз правеў конкурс імя Чынгіза Айтматава на лепшы мастацкі твор…

— Ведаю, што Айтматаў сябраваў з многімі беларускімі літаратарамі, — гаворыць на кыргызскай зямлі літаратуразнаўца Іван Саверчанка. — Найперш з Васілем Быкавым, Алесем Адамовічам. Дарэчы, Адамовіч працаваў у нашым Інстытуце літаратуразнаўства імя Янкі Купалы, які я зараз узначальваю, і ў сваіх працах неаднойчы звяртаўся да творчасці Чынгіза Айтматава. Нізка кланяюся зямлі, якая прыняла гэтага тытана мастацкага слова. 

Сергей ШЫЧКО

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.