На вуліцы Някрасава ў г. Мінску знаходзіцца падраздзяленне ўнітарнага прадпрыемства «Мінгарсвятло» — электрасеткавы раён № 3, спецыялісты якога адказваюць за ўтрыманне сетак вонкавага асвятлення ў горадзе.
Пасля атрымання дыспетчарам заяўкі аб няспраўнасці ў сістэме вулічнага асвятлення, інфармацыя паступае майстру ўчастка, які афармляе нарад на працу аварыйнай брыгады. Электраманцёры па эксплуатацыі размеркавальных сетак атрымліваюць на складзе неабходныя матэрыялы і запасныя часткі, выязджаюць на месца аварыйных работ і ў самыя кароткія тэрміны, у поўнай адпаведнасці з правіламі бяспекі пры эксплуатацыі электраабсталявання, ліквідуюць няспраўнасці.
— Мы абслугоўваем тры раёны сталіцы: Першамайскі, Савецкі і Цэнтральны. У штаце — 36 спецыялістаў, якія штодня могуць аказваць паслугі па рамонце сетак вонкавага асвятлення ў складзе сямі аварыйных брыгад у будні і выхадныя дні. Акрамя аварыйных работ выконваем і планава-папераджальныя рамонты сетак і вулічных ліхтароў, — распавёў чытачам партала Выдавецкага дома «Звязда» начальнік электрасеткавага раёна № 3 УП «Мінгарсвятло» Вячаслаў Аўсюкевіч, які прапрацаваў на прадпрыемстве каля 23 гадоў. — Да нас прыходзяць на працу выпускнікі сярэдне-спецыяльных устаноў, на некаторых з іх мы звяртаем увагу яшчэ і падчас практыкі, якую яны праходзяць на нашай базе. У далейшым работнікі, якія зарэкамендавалі сябе, могуць працягнуць вучобу ў вышэйшых навучальных установах, у тым ліку і завочна, у цяперашні час каля дзесяці чалавек нашага прадпрыемства знаходзяцца на вучэбнай сесіі.
Якасць працы спецыялістаў УП «Мінгарсвятло» па забеспячэнні вулічнага асвятлення з’яўляецца неад’емнай часткай бяспекі на дарогах Мінска.
Віктар ІВАНЧЫКАЎ
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
