У Рэспубліцы Беларусь склалася сістэма па вывучэнню кітайскай мовы і знаёмству з кітайскай культурай. Найперш — праз шэраг Інстытутаў кітаязнаўства імя Канфуцыя. Адзін з іх працуе і Брэсцкім дзяржаўным універсітэце імя А. С. Пушкіна. Шмат робіцца і ў бібліятэках краіны па прадстаўленню кітайскай кнігі, кітайскай літаратуры.
Як прыклад — і новы творчы праект: з 5 па 13 сакавіка ў Брэсце пройдуць Дні папулярызацыі кітайскай культуры і літаратуры. Арганізатары гэтага шматабсяжнага свята — Брэсцкая абласная бібліятэка імя М. Горкага, Саюз пісьменнікаў Беларусі, Выдавецкі дом «Звязда», Інстытут Канфуцыя Брэсцкага дзяржаўнага ўніверсітэта імя А. С. Пушкіна.
Сярод іншых мерапрыемстваў кітайскіх Дзён — і прадстаўленне серыі «Светлыя знакі: паэты Кітая» , якая выходзіла з 2014 па 2019 гг. у Выдавецкім доме «Звязда» і выдавецтве «Мастацкая літаратура». Пабачылі свет 14 кніг — зборнікі Ван Вэя, Ай Ціна, Лі Бо, Ду Фу, Вэнь Ідо, Сюй Чжыма, Лі Цінчжаа і іншых класікаў і сучаснікаў. Зараз серыя ўзнаўляецца, рыхтуецца новы зборнік — з вершамі кітайскай моладзі, студэнтаў факультэта журналістыкі Беларускага дзяржаўнага ўніверсітэта.
Раман СЭРВАЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
