Вы тут

Мінчане прадставілі свае распрацоўкі на праекце «100 ідэй для Беларусі»


8 лютага адбыўся гарадскі этап рэспубліканскага маладзёжнага праекта «100 ідэй для Беларусі», які аб’яднаў навучэнцаў і працоўную моладзь у Мінскім гарадскім тэхнапарку.


Сёлета на Мінскім гарадскім туры рэспубліканскага маладзёжнага праекта «100 ідэй для Беларусі» навучэнцы школ і каледжаў, маладыя спецыялісты прадпрыемстваў прэзентавалі каля 40 распрацовак, якія былі выбраны з больш як 300 заяўленых на пачатковым этапе.

— У гэтым сезоне ў адрас Мінскага гарадскога камітэта ГА «БРСМ» паступілі 334 заяўкі. З іх адабралі 44 распрацоўкі, аўтары якіх сёння прадстаўляюць праекты для шырокай аўдыторыі, — адзначыў другі сакратар Мінскага гарадскога камітэта ГА «БРСМ» Канстанцін Андрусевіч.

— Работы пададзены ў дзесяці розных намінацыях, ад эканомікі да нанатэхналогій і нафтахіміі. Удзельнікі таксама падзяліліся на дзве групы: навучэнцы і працоўная моладзь. З кожнай узроставай катэгорыі будуць вызначаны па два пераможцы па намінацыях. Спадзяёмся, што ініцыятывы рабят будуць далей укаранёны ў розныя сферы і прынясуць карысць грамадству і дзяржаве, — сказаў Канстанцін Андрусевіч.

Усе ўдзельнікі гарадскога этапу конкурсу атрымалі свае заслужаныя ўзнагароды за працу, а 20 аўтарам яшчэ прыдзецца паспаборнічаць за перамогу ў фінале.

— Дзеці вельмі парадавалі. Выдатная праграма, якая працуе не першы год, і Мінск у ёй прадстаўляе вялікую колькасць удзельнікаў. Гэта цудоўна, калі ёсць маладыя людзі, якія гараць сваімі ідэямі, ёсць выкладчыкі, якія дапамагаюць. Мы сёння былі на прэзентацыі і ўбачылі кожнага з іх. Ёсць рабяты, якія ўжо зараз гатовы займацца рэальным бізнесам і нават пралічылі сабекошт адзінкі выраба. І гэта выдатна, калі маладыя людзі імкнуцца дасягнуць большага, — адзначыла першы намеснік старшыні Мінскага гарвыканкама Надзея Лазарэвіч.

 

Дзеці з СШ № 111 на чале з настаўнікам беларускай мовы і літаратуры Мікалаем Курыловічам распрацавалі інтэрактыўны комплекс па фразеалогіі. Платформа прызвана замацаваць матэрыял па вывучэнні фразеалагізмаў з мэтай недапушчэння найбольш распаўсюджаных памылак, якія дапускаюць вучні пры здачы ЦТ. Характэрна, што яна даступная для рабят з аслабленым зрокам.

Стартап па гадоўлі слімакоў прадставіў навучэнец Данііл Рудазуб разам з аднадумцамі з Мінскага дзяржаўнага механіка-тэхналагічнага каледжа. У планах рабят — стварэнне сапраўднай слімаковай фермы.

 

Урбан Кацярына

Фота аўтара

Выбар рэдакцыі

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Цяльцоў гэты тыдзень будзе напоўнены справамі і клопатамі, звязанымі са сваякамі ці дзецьмі. 

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».