На выбарчым участку № 295 у сталічнай сярэдняй школе № 218 горада Мінска галасаванне ішло поўным ходам.
— Да 9 лютага мы абсталявалі ўчастак для нашых выбаршчыкаў. Кожны ахвотнік мог загадзя пазваніць ці прыйсці да нас, каб пераправерыць, ці ёсць ён у спіску. Да 19 лютага было ўдакладненне спісаў, а з 20-га пачалося датэрміновае галасаванне. Праходзілі сустрэчы з кандыдатамі, якія балаціруюцца. Людзі задавалі пытанні, якія іх цікавяць, і знаёміліся з прэтэндэнтамі, — расказала пра падрыхтоўку да выбараў старшыня ўчастковай выбарачнай камісіі Анжэла Пальвінская.
— Галасуюць у нас жыхары блізкалеглых дамоў па вуліцы Ясеніна і тых, хто адносяцца да тэрыторыі нашай школы. Магу сказаць, што была досыць высокая яўка пры датэрміновым галасаванні, — расказаў нацыянальны назіральнік ад партыі «Белая Русь», намеснік дырэктара па вучэбннай рабоце Віктар Дарожка. — Сёння шмат людзей прыходзілі сем’ямі, вакол пануе святочная атмасфера. Для тых, хто прыйшоў галасаваць упершыню, быў арганізаваны падарунак — Канстытуцыя Рэспублікі Беларусь.
Кацярына УРБАН
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».