Вы тут

Іван Кубракоў уручыў пашпарты грамадзяніна Рэспублікі Беларусь


Звяртаючыся да прысутных, кіраўнік міліцэйскага ведамства адзначыў, што Канстытуцыя — галоўны Закон краіны. «Дзякуючы гэтаму дакументу наша Беларусь развіваецца і рухаецца наперад, — падкрэсліў ён. — Упэўнены, калі мы будзем выконваць заканадаўства, у нас усё атрымаецца. Віншую са святам, жадаю вам здароўя, поспехаў, удачы, а нашай любімай Радзіме — росквіту».


Міністр унутраных спраў уручыў дзяржаўныя ўзнагароды вартавым парадку. Таксама з рук Івана Кубракова першыя пашпарты грамадзяніна Беларусі атрымалі навучэнцы Спецыялізаванага ліцэя МУС, выхаванцы ваенна-патрыятычных клубаў, дзеці супрацоўнікаў органаў унутраных спраў і ваеннаслужачых унутраных войскаў з розных рэгіёнаў краіны.

Сапраўднымі героямі дня сталі юныя беларусы, якія аказалі дапамогу міліцыянерам у раскрыцці злачынстваў і спыненні правапарушэнняў. Напрыклад, дзесяцігадовая брастаўчанка Ганна Волкава, гуляючы ў двары, звярнула ўвагу на незнаёмца, які хаваў нешта ў траве. Дзяўчынка запомніла нумар аўтамабіля, на якім з’ехаў мужчына і падзялілася назіраннем з маці, якая адразу паведаміла ў міліцыю. Грамадзяніна затрымалі, а пасля прыцягнулі да крымінальнай адказнасці за нарказлачынства.

Шасцікласніцы з Віцебска Анастасія Трус і Дана Пчалаводава знайшлі ў лесапаркавай зоне смартфон. Знаходку аднеслі бацькам, тыя перадалі яе ў міліцыю. Падчас вывучэння інфармацыі, якая змяшчаецца на прыладзе, аператыўнікі атрымалі звесткі аб супрацьпраўнай дзейнасці двух грамадзян. Тыя аказаліся датычнымі да распаўсюджвання псіхатропнага рэчыва альфа-PVP з дапамогай размяшчэння закладак на тэрыторыі горада.

Міністр падзякаваў бацькам за выхаванне дзяцей, а дзяўчынкам — за праяўленую смеласць і знаходлівасць, уручыў ім памятныя падарункі. Завяршылася свята яркія музычныя кампазіцыі ад ведамасных калектываў і выканаўцаў, а таксама пазнавальнай экскурсіяй па музеі МУС.

Вераніка КАНЮТА

Фота прэс-службы МУС

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.