Вы тут

Русы: XI Форум рэгіёнаў Беларусі і Расіі пройдзе на самым высокім узроўні


Мерапрыемства прайшло ў верхняй палаце беларускага парламента пад кіраўніцтвам старшыні Пастаяннай камісіі Савета Рэспублікі па рэгіянальнай палітыцы і мясцовым самакіраванні Міхаіла Русага, намесніка старшыні камітэта па падрыхтоўцы і правядзенні XI Форуму рэгіёнаў Беларусі і Расіі. 


Сустрэча пачалася з хвіліны маўчання ў памяць аб бязвінных ахвярах, якія загінулі падчас тэракту ў Падмаскоўі. 

Падчас пасяджэння былі абмеркаваны пытанні падрыхтоўкі аб’ектаў, арганізацыі дзелавой і культурнай праграм маючага адбыцца Форуму. У прыватнасці, дэталі секцыйных і пленарнага пасяджэнняў, сустрэчы з кіраўнікамі рэгіёнаў Беларусі і Расіі, падрыхтоўкі да падпісання пагадненняў аб супрацоўніцтве і кантрактаў. Асаблівая ўвага — арганізацыя выставы дасягненняў народнай гаспадаркі дзвюх краін. Таксама закранулі аспекты лагістыкі, пражывання і жыццезабеспячэння ўдзельнікаў і гасцей мерапрыемства. Вядзецца падрыхтоўка да канцэрта майстроў мастацтваў.

Як падкрэсліў Міхаіл Русы, Форум рэгіёнаў Беларусі і Расіі сёлета праходзіць у крыху змененым фармаце. «Задзейнічалі не толькі Віцебск, але і два гарады — Полацк і Наваполацк для таго, каб як мага больш аб’ектаў і суб’ектаў гаспадарання ўключаліся ў гэту работу, — удакладніў сенатар. — Крыху мяняецца звычайная адпрацаваная структура падрыхтоўкі, бо трэба прадумаць лагістыку і іншае, але, думаю, што гэта ўсё вырашальна».

На асаблівым кантролі, як заўважыў Міхаіл Русы, — пытанні прыбыцця і размяшчэння ўдзельнікаў форуму. «Усё ўзята пад кантроль, — адзначыў сенатар. — За кожным аб’ектам замацаваны людзі».

Кажучы аб секцыйных пасяджэннях, парламентарый паведаміў, што будзе працаваць дзевяць секцый. «Вызначыліся з іх складам, адпрацавана і ўзгоднена тэматыка, — падкрэсліў Міхаіл Русы. — На 95-97% ёсць і выступоўцы па гэтых тэмах».

Па словах старшыні Віцебскага абласнога Савета дэпутатаў Дзмітрыя Дзямідава, з кожным годам гэтае мерапрыемства набірае ўсё большыя маштабы, прыцягвае значную колькасць кіраўнікоў рэгіёнаў — як Расійскай Федэрацыі, так і Рэспублікі Беларусь. «Абмяркоўваюцца пытанні сацыяльнага ўзаемадзеяння, правядзення сумесных гуманітарных праектаў, эканамічныя пытанні, магчымасць далейшага інавацыйнага развіцця, супрацоўніцтва ў сферы адукацыі — практычна ўвесь спектр нашага ўзаемадзеяння з расійскімі рэгіёнамі разглядаецца на форуме, падпісваюцца новыя пагадненні, выходзім на новыя праекты. І кожны год гэтае мерапрыемства прыцягвае ўсё больш новых удзельнікаў». 

Вераніка КАНЮТА

Фота Віктара ІВАНЧЫКАВА

Выбар рэдакцыі

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».