На Гомельшчыне рэспубліканская акцыя «Нашы дзеці» прайшла ў спецыялізаваным ліцэі пры Універсітэце грамадзянскай абароны МНС.
Найлепшыя пажаданні і віншаванні напярэдадні навагодніх і калядных святаў кадэты прымалі ад першага намесніка міністра па надзвычайных сітуацыях Рэспублікі Беларусь Аляксандра Худалеева. Удзельнікамі святочнага мерапрыемства сталі таксама начальнік Гомельскага філіяла Універсітэта грамадзянскай абароны МНС Аляксандр Ключнікаў і першы намеснік начальніка Гомельскага абласнога ўпраўлення МНС Аляксандр Мяркулаў. Для навучэнцаў падрыхтавалі салодкія падарункі. У сваю чаргу ліцэісты запрасілі гасцей на навагодняе шоў «Ліцэйскі агеньчык», падрыхтаванае сіламі вучняў і іх афіцэраў.
Нагадаем, навагодняя рэспубліканская дабрачынная акцыя «Нашы дзеці» праходзіць у Беларусі з 9 снежня па 10 студзеня. Штогод падчас акцыі кіраўнікі міністэрстваў і іншых органаў дзяржкіравання, мясцовых уладаў, прадстаўнікі грамадскіх арганізацый наведваюць дзіцячыя інтэрнаты і дамы сямейнага тыпу, апякунскія і прыёмныя сем'і, сем'і, якія выхоўваюць дзяцей-інвалідаў, цэнтры карэкцыйна-развіваючага навучання і рэабілітацыі, бальніцы. Яны віншуюць дзяцей з Новым годам, Калядамі і ўручаюць падарункі, аказваюць дапамогу ў вырашэнні існуючых праблем. Да дабрачыннай акцыі далучаюцца грамадскія аб'яднанні і іншыя арганізацыі.
Наталля КАПРЫЛЕНКА
Фота прэс-службы Гомельскага абласнога ўпраўлення МНС
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
