Мужчына падмануў мінімум 25 грамадзян, завалодаўшы іх маёмасцю і сродкамі на суму больш за 400 тыс. долараў у эквіваленце. Узбуджана крымінальная справа аб махлярстве ў асабліва буйным памеры, паведамілі ў УСК па Мінску.
З 2011 па 2020 г. фігурант займаўся злачыннай дзейнасцю. У некаторых эпізодах 45-гадовы абвінавачаны падшукваў уласнікаў сталічных кватэр або прыватных дамоў з ліку людзей, якія вядуць асацыяльны лад жыцця, інвалідаў, былых выхаванцаў інтэрнатаў, састарэлых. Мужчына пераконваў іх прадаць сваё жыллё ў Мінску, каб атрымаць больш таннае за горадам і розніцу ў кошце.
На справе ахвяры заставаліся як без выручаных за продаж маёмасці грошай, якія прысвойваў абвінавачваны, так і без абяцанага ўзамен жылля. Толькі некаторым ён падаў малапрыдатныя для пражывання будынкі без выгод у сельскіх населеных пунктах або прытоны ў сталіцы. Зафіксавана не менш за 20 фактаў такой супрацьпраўнай дзейнасці.
У пяці выпадках фігурант па розных прычынах прасіў грошай у доўг, не маючы намеру вяртаць. Для пераканаўчасці складаў распіскі аб атрыманні сродкаў або заключаў дагаворы пазыкі.
Атрыманыя такімі спосабамі грошы грамадзянін марнаваў, у тым ліку ў ігральных установах. Цяпер ён пад вартай. Не выключаная дачыненне грамадзяніна да іншым незаконным дзеянням. Пацярпелых просяць адгукнуцца па тэлефонах: 8 (017) 389-55-55 або 102.
Прэв'ю: pixabay.com
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
