У Магілёве адкрыўся першы на тэрыторыі вобласці транспартна-лагістычны цэнтр «Магілёў-Белмытнясэрвіс».
Прыгожы будынак на вуліцы Крупскай абяцае стаць цэнтрам для развіцця бізнесу. Тут ёсць усё для таго, каб атрымаць цэлы комплекс паслуг па мытным афармленні і транспартна-лагістычным суправаджэнні паставак. Яго памяшканні аснашчаны сучасным абсталяваннем і высокатэхналагічнай сістэмай кіравання працэсамі. Да паслуг кліентаў халадзільныя камеры для захоўвання грузаў, пагрузачна-разгрузачная тэхніка, упаковачнае абсталяванне. Цэнтр зручна размясціўся не толькі на шляху асноўных транспартных патокаў, але і мае свае чыгуначныя пад'язныя шляхі.
— Сёння лагістычнаму сектару адводзіцца асаблівае месца ў развіцці эканомікі Беларусі, — адзначыў старшыня Дзяржаўнага мытнага камітэта Беларусі Юрый СЯНЬКО. — І гэта заканамерна, улічваючы геаграфічнае становішча рэспублікі, якая з'яўляецца мостам у гандлёвых адносінах паміж найбуйнейшымі міжнароднымі рынкамі. Магілёўскі лагістычны цэнтр адпавядае ўсім патрабаванням. Тут усё аптымальна выверана і эфектыўна задзейнічана.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
