Пяць выхаванцаў цэнтра цыркавога мастацтва «Арэна» заваявалі прэстыжную ўзнагароду на міжнародным юнацкім цыркавым конкурсе «Новае пакаленне», які праходзіў 4—5 лютага.
Прадстаўнікі ўстановы другі раз пабывалі ў сталіцы Княства Манака. Летась яны былі ўшанаваны спецыяльнымі прызамі, а сёлета падняліся на другую прыступку цыркавога пастамента. Беларусы здзівілі журы і публіку неверагодна складанымі трукамі на канаце. Па ім падлеткі рухаліся на роліках, на адным коле, з партнёрамі на плячах і нават з закрытымі вачамі. Нумар складаны тэхнічна, таму абсталяванне для яго дастаўлялася ў Манака з Беларусі.
Мазырскай цыркавой студыі — дзесяць гадоў. У ёй цяпер займаецца каля 100 дзяцей. Аматарскі калектыў паспяхова гастралюе па краіне і дае да пяці сур'ёзных канцэртаў у месяц. Чатырнаццаць юных артыстаў з'яўляюцца лаўрэатамі спецыяльнага фонду Прэзідэнта па падтрымцы таленавітай моладзі. За плячыма юных гімнастаў, эквілібрыстаў, акрабатаў, жанглёраў — мноства перамог у міжнародных конкурсах.
Ірына АСТАШКЕВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
