На Гомельшчыне пры правядзенні земляных работ па добраўпарадкаванні горада Веткі знойдзена 500-кілаграмовая авіябомба часоў Вялікай Айчыннай вайны.
Побач з месцам жудаснай знаходкі на вуліцы Камсамольскай знаходзяцца прыватныя дамы і рэдакцыя раённай газеты «Голас Веткаўшчыны», якая перадала здымкі. Спецыялісты сапёрна-піратэхнічнай групы ваеннай часці 5525 вызначылі, што нямецкая авіябомба SD-500 знаходзіцца ва ўзведзеным стане. Было прынята тэрміновае рашэнне вывезці яе ў бяспечную зону, бо недалёка яшчэ і газаправод высокага ціску, які забяспечвае газам жылыя дамы, дзіцячыя і медыцынскія ўстановы горада і раёна. Аўтакранам бомбу пагрузілі ў спецыяльны транспарт, прызначаны для перавозкі выбуханебяспечных прадметаў. Знішчэнне адбылося на падрыўной пляцоўцы ў зоне адчужэння Веткаўскага раёна. Выбух быў чуваць на адлегласці ў 20 км ад месца знішчэння боепрыпаса.
Ірына АСТАШКЕВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
