Вы тут

Ярмошына сустрэлася са студэнтамі Акадэміі кіравання


«Удзел у выбарах — гэта паказчык асабістай сталасці і адказнасці перад грамадствам, дзяржавай», — сказала старшыня ЦВК перад пачаткам мерапрыемства.


Колькасць маладых кандыдатаў на мясцовых выбарах адрозніваецца ў залежнасці ад узроўню Саветаў. У Мінску і абласных цэнтрах прадстаўлена вялікая колькасць прэтэндэнтаў да 31 года. Значна саступае ім сельская мясцовасць.

У працэнтных суадносінах колькасць маладых кандыдатаў зніжаецца. Гэта звязана з тым, што больш за палову прэтэндэнтаў — каля 13 тысяч чалавек — кандыдаты сельскіх Саветаў. Як адзначыла Лідзія Ярмошына, у гарадах працэнт маладых людзей, якія змагаюцца за дэпутацкія партфелі, павялічваецца.

Старшыня ЦВК ужо паўдзельнічала ў датэрміновым галасаванні. Гаворачы аб абранай кандыдатуры, яна адзначыла, што ўважліва разглядала прэтэндэнтаў. Свой голас аддала таму, хто адзіны кінуў улётку ў яе паштовую скрыню.

«Мой дом знаходзіцца на адкрытай тэрыторыі, таму апусціць улётку ў паштовую скрыню мог любы, калі б захацеў. Але не ўсе кандыдаты стварылі асабістыя выбарчыя фонды і падрыхтавалі друкаваную прадукцыю. Чалавек, які падрыхтаваў друкаваныя матэрыялы, ужо прадэманстраваў сур'ёзныя адносіны да выбараў», — пракаменціравала Лідзія Ярмошына.

Сустрэча са студэнтамі Акадэміі кіравання пры Прэзідэнце Рэспублікі Беларусь прайшла ў рамках рэспубліканскага праекта БРСМ «Моладзь вырашае!» Фармат мерапрыемства — «адкрыты дыялог». Асноўная тэма размовы надзвычай актуальная — «Моладзь і выбары: формула адказнасці».

Марыя ДАДАЛКА

Фота БЕЛТА

Загаловак у газеце: Як паказчык сталасці

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.