Навядзенне парадку абярнулася сапраўднай бядой для 58-гадовага жыхара вёскі Скорцы Пружанскага раёна.
Мужчына згроб смецце, сухую траву і падпаліў усё гэта на падворку. Але ж агонь, як вядома, па сухой траве распаўсюджваецца імгненна. І гаспадар не паспеў азірнуцца, як полымя «дабегла» да хаты і перакінулася на драўляную пабудову. У выніку згарэў дах, пашкоджаны сцены, маёмасць. Па сутнасці, чалавек застаўся без дома. Пра гэты факт расказаў афіцыйны прадстаўнік Брэсцкага абласнога МНС Сяргей МАШНОЎ. І яшчэ адзін пажар зафіксаваны ў апошнія дні. На гэты раз з-за спальвання сухой травы загарэліся гаспадарчыя пабудовы ў садовым таварыстве «Лотас» Брэсцкага раёна. Знішчаны чатыры хлявы.
Святлана ЯСКЕВІЧ
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
