Вы тут

У гарах Сванеціі пацярпела грамадзянка Беларусі, дзве беларускі загінулі


У прэс-службе Агенцтва па кіраванні надзвычайнымі сітуацыямі МУС Грузіі «Звяздзе» паведамілі, што па дапамогу ратавальнікаў 14 жніўня ўвечары звярнуўся турыст з групы, якая падымалася на гару Тэтнулдзі ў рэгіёне Сванеція. Ён паведаміў, што пры спуску тры жанчыны зніклі.


Пошукі працягваліся ўсю ноч, учора раніцай да аперацыі далучыўся верталёт пагранічнай службы. У выніку былі знойдзены целы дзвюх жанчын, трэцяя ў цяжкім стане дастаўлена ў цэнтральную бальніцу горада Месціа, што за 20 кіламетраў ад месца здарэння.

Саветнік Пасольства Беларусі ў Грузіі Алег ГАРОХАВІК праінфармаваў карэспандэнта, што жанчына атрымала чэрапна-мазгавую траўму і пераломы. Пасля медыцынскага абследавання, якое доўжылася ўвесь дзень, лячэнне павінна працягнуцца ў Тбілісі.

«МУС Грузіі заведзена крымінальная справа. Да завяршэння расследавання целы загінулых жанчын будуць заставацца ў Грузіі», — сказалі «Звяздзе» ў Міністэрстве замежных спраў Беларусі.

Беларуска, якая пацярпела ў Сванеціі, — жыхарка Брэста 1967 года нараджэння. Па месцы работы яе мужа (яны разам знаходзіліся ў горным паходзе) пацвердзілі, што сужэнцы шмат гадоў займаюцца аматарскім альпінізмам. У Грузію Сяргей і Алена С. накіраваліся падчас водпуску мужа. Жонка — хатняя гаспадыня.

Як паведаміў «Звяздзе» старшыня брэсцкага горна-турыстычнага клуба «Цытадэль» Сяргей Паўлавец, Сяргей і Алена С. сапраўды дзесяцігоддзямі займаліся альпінізмам. «Гэта не навічкі», — падкрэсліў ён. Ён ведае іх асабіста і сказаў, што гэтую сямейную пару можна назваць ветэранамі клуба, які аб'ядноўвае ў асноўным студэнтаў і дзе менавіта маладыя людзі з'яўляюцца актыўнымі членамі. Клуб, тым не менш, ужо адзначыў сваё 45-годдзе. Каментаваць здарэнне ў Грузіі Сяргей Паўлавец адмовіўся з-за недахопу на момант падрыхтоўкі публікацыі дакладнай інфармацыі.

Гара Тэтнульд (ці Тэтнульдзі) лічыцца адной з самых прыгожых у Сванеціі. Гэта 10-я па вышыні вяршыня Каўказа. Па інфармацыі спецыялізаваных крыніц, зрыў удзельніка ў нязручным месцы можа паставіць пад пагрозу гібелі цэлую групу. Для праходжання альпінісцкага маршруту ў сярэднім патрабуецца 12—15 гадзін.

Варвара МАРОЗАВА

Загаловак у газеце: Трагедыя ў Грузіі

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.