У дзяжурную часць Мастоўскага райаддзела міліцыі патэлефанавала перапалоханая жанчына і паведаміла, што яе абрабавалі.
На месца неадкладна выбылі праваахоўнікі, якія неўзабаве ўстанавілі карціну падзей. Аказалася, што здзейсненае супрацьпраўнае дзеянне -- справа рук не якога-небудзь мацёрага зламысніка. Як паведаміла аддзяленне інфармацыі і грамадскіх сувязяў УУС Гродзенскага аблвыканкама, пацярпелую абрабаваў… яе брат.
Ускоснай прычынай яго паводзін, як часта бывае ў сферы сямейна-бытавых адносін, стаў стан алкагольнага ап'янення. Пачалося ўсё з таго, што паміж сваякамі ў працэсе стасункаў распачалася сварка, падчас якой брат, знаходзячыся ў двары дома, паваліў сястру на зямлю, пасля чаго нанёс ёй удар нагой па галаве і з кішэні адзення выкраў сорак рублёў. Гэтыя грошы ён тут жа прапіў.
Супрацьпраўным паводзінам нідзе непрацуючага 38-гадовага мужчыны дадзена прававая ацэнка. Крымінальная адказнасць за падобныя дзеянні прадугледжаная артыкулам “Рабаванне”.
Сяргей РАСОЛЬКА
Фота ў мініяцюры: bdi.mirtesen.ru
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
