Вы тут

Не развучыцца здзіўляцца


Не развучыцца здзіўляцца

Вечарам у чацвер, 10 верасня, у Дзяржаўным музеі гісторыі беларускай літаратуры было так людна, светла і цёпла, як не было апошнія некалькі месяцаў і не толькі там, а шмат дзе. Мы засумавалі па рэальных культурных падзеях, прыемных жывых сустрэчах і вось…

Афіцыйна гэта было адкрыццё літаратурна-дакументальнай экспазіцыі пад назваю “Кастравіцкія”, прысвечанай 140-годдзю з дня нараджэння Гіёма Апалінэра. Гіёма-Альберта-Уладзіміра-Аляксандра-Апалінарыя Кастравіцкага, калі па-сапраўднаму. Але род Кастравіцкіх, высакародны шляхецкі род, на многія пакаленні адораны мастацкімі і літаратурнымі талентамі, на стыку папярэдніх стагоддзяў прад’явіў нашай і сусветнай культуры не аднаго Гіёма Апалінэра. Быў (і ёсць) яшчэ і Казімір-Рафал Каралевіч Кастравіцкі, папросту Карусь Каганец. Добрая доля ўвагі прысутных гасцей дасталася яму.

На адкрыцці выставы гучалі французскія вершы і англійскія прывітанні: першыя — у выкананні Зміцера Коласа, другія — ад Джэрэмі Мачарскага, нашчадка Апалінэра па матчынай лініі. Гучала не толькі паэзія, але і музыка — прыгожа і натхнёна спяваў Раман Арлоў.

Падчас цырымоніі адкрыцця выставы адбылося падпісанне пагаднення паміж музеем і Нацыянальным гістарычным архівам. А потым… Потым прысутныя госці мелі магчымасць агледзець выставу і нават наведаць кафэ ў Парыжы, дзе яшчэ нават кубачак пахне кавай, а на папяровых сурвэтках засталіся практыкаванні ў маляванні партрэтаў Апалінэра французскімі мастакамі…

Калі нешта ў гэтым апісанні адкрыцця выставы падалося вам дзіўным, наведайце музей у бліжэйшы час — і самі пераканаецеся: здзіўляць тут і праўда ўмеюць. Галоўнае ж — каб і мы не развучваліся здзіўляцца.

 

Святлана ВОЦІНАВА, “М”

 

Выбар рэдакцыі

Грамадства

Распачынаецца сезон атракцыёнаў. Хто і як сочыць за іх станам?

Распачынаецца сезон атракцыёнаў. Хто і як сочыць за іх станам?

У Беларусі адпрацавала 65 % атракцыёнаў (160 штук), а многія працуюць і звыш 30 гадоў.

Эканоміка

Як выбраць кватэру на другасным рынку

Як выбраць кватэру на другасным рынку

За апошнія некалькі месяцаў рынак другаснага жылля прыкметна ажывіўся. 

Грамадства

Каб набываць тавар бяспечна, ці Як абараніць правы спажыўца

Каб набываць тавар бяспечна, ці Як абараніць правы спажыўца

У краіне на 11 % знізілася агульная колькасць зваротаў грамадзян, звязаных з парушэннем правоў спажыўцоў. 

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.