Урачыстая цырымонія ўзнагароджання пераможцаў Рэспубліканскага турыстычнага конкурса «Пазнай Беларусь», адбылася ўчора. Яна праводзілася ў сталічным «Прэзідэнт-Атэлі».
Конкурс праводзіўся ў васямнаццаты раз Міністэрствам спорту і турызму сумесна з Нацыянальным агенцтвам па турызме. Яго мэта — садзейнічаць развіццю ўнутранага і ўязнога турызму, кансалідаваць намаганні дзяржаўных органаў, арганізацый, фізічных асоб, занятых у індустрыі турызму, для стварэння іміджу Беларусі як спрыяльнай для турызму краіны, а таксама заахвочваць дасягненні туріндустрыі.
На конкурс ў 2020 годзе заяўлены дзесяць намінацый, сярод якіх былі «Я спазнаю Беларусь», «Экскурсавод года», «Турыстычная кампанія года», «Сродак размяшчэння года», «Аграэкасядзіба года», «Матэрыял года» і іншыя. Было пададзена амаль тысячу заявак.
Самымі папулярнымі аказаліся намінацыі «Фатаграфія года» і «Аповед пра малую Радзіму», што сапраўды сведчыць пра жывы і высокі інтарэс да падарожжаў па Беларусі. Гэты факт з асаблівым задавальненнем адзначыла журы конкурсу.
Анатоль КЛЯШЧУК
Фота аўтара
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.