Вы тут

Праект «Памяць сэрца» фінішуе на плошчы Перамогі ў Мінску 24 снежня


У гэты дзень у самым цэнтры беларускай сталіцы на плошчы Перамогі адбудуцца фінальныя мерапрыемствы рэспубліканскага патрыятычнага праекта «Памяць сэрца».


У 16.30 пачатак мерапрыемствам пакладзе ўрачыстая цырымонія адкрыцця электроннага альбома памяці «Беларусь памятае. Родныя твары Перамогі» з удзелам актыву БРСМ Мінска і лідараў маладзёжнай арганізацыі, членаў Маладзёжнага парламента пры Нацыянальным сходзе Беларусі, прадстаўнікоў Мінскага гарадскога выканаўчага камітэта. Цырымонія пройдзе ў мемарыяльнай зале ў гонар загінулых Герояў Савецкага Саюза за вызваленне Беларусі.

У 16.45 на плошчы Перамогі адбудзецца мітынг-рэквіем «Памяць сэрца». Пад гукі ваеннага аркестра Мінскай ваеннай камендатуры ўдзельнікі мерапрыемства ўскладуць кветкі да манумента Перамогі і Вечнага агню, запаляць лампады, хвілінай маўчання ўшануюць памяць аб загінуўшых героях.

Фінальным акордам мітынгу-рэквіема стане прэзентацыя песні «Беларусь — гэта мы» (аўтар музыкі Яўген Алейнік, словы — Ганны Селук) у выкананні заслужанай артысткі Рэспублікі Беларусь Вікторыі Алешка.

Патрыятычны праект «Памяць сэрца» стартаваў у Дзятлаўскім раёне 13 снежня. Лейтматывам маладзёжнай ініцыятывы стала тэма захавання гістарычнай памяці аб подзвігу нашых прадзедаў, дзядоў і бацькоў у гады Вялікай Айчыннай вайны.

У памятных месцах, звязаных з гісторыяй вызвалення Беларусі ад нямецка-фашысцкіх захопнікаў і Вялікай Перамогі, адбыліся мітынгі-рэквіемы «Памяць сэрца». Беларусы розных пакаленняў ускладалі да помнікаў і абеліскаў кветкі, запальвалі лампады памяці ў форме назвы праекта, актыўна абмяркоўвалі пытанні патрыятычнага выхавання на камунікатыўных пляцоўках «Дыялог пакаленняў». Усяго праведзена больш за 270 патрыятычных мерапрыемстваў «Памяць сэрца».

Сяргей РАСОЛЬКА

Прэв’ю: riabir.ru

Выбар рэдакцыі

Грамадства

Як арганізаваць правільны догляд за валасамі гарачай парой

Як арганізаваць правільны догляд за валасамі гарачай парой

У 90 % выпадкаў людзі не ведаюць, як правільна мыць галаву.

Калейдаскоп

Усходні гараскоп на наступны тыдзень

Усходні гараскоп на наступны тыдзень

У Блізнятаў ёсць шанц кардынальна змяніць жыццё.

Грамадства

Выбіраем аптымальную пару года для пахудзення. Спойлер: і гэта не лета!

Выбіраем аптымальную пару года для пахудзення. Спойлер: і гэта не лета!

Жыццё ў «эпоху спажывання» — сур’ёзнае выпрабаванне для чалавека.