Вы тут

Аляксандр Лукашэнка: Для мяне прырода — гэта абсалютны прыярытэт


Прэзідэнт Беларусі Аляксандр Лукашэнка прыняў з дакладам міністра прыродных рэсурсаў і аховы навакольнага асяроддзя Андрэя Худыка.​


Кіраўнік краіны размову пачаў з заўвагі, што пандэмія каранавірусу — гэта божае пакаранне для планеты, якое беларусы не заслугоўваюць.

«Мабыць, мы, беларусы, пакуль гэтага ў такім аб’ёме не заслугоўваем сваімі адносінамі да прыроды. Але тое, што свет звар’яцеў і па-варварску эксплуатуе прыроду, знішчае прыроду — гэта факт. Таму для мяне прырода — гэта абсалютны прыярытэт. Ёсць прырода — ёсць жыццё. Няма прыроды — няма жыцця»,  — акцэнтаваў увагу Прэзідэнт.

Ён падкрэсліў, што чым больш па-хамску людзі ставяцца да прыродных рэсурсаў, тым горш жывуць, таму ён і надалей будзе надаваць вялікае значэнне ахове навакольнага асяроддзя.

«Зразумела, што гэта водныя рэсурсы, гэта лес, якім узнагародзіў нас Гасподзь, нашы балоты, што даюць асноўную частку кіслароду ў Беларусі, і гэтак далей. І мы павінны ўсё гэта захоўваць, і самае галоўнае — жыць у гармоніі», — канстатаваў кіраўнік краіны.

Прэзідэнт нагадаў, што прыгажосць айчыннай прыроды неабходна берагчы, захоўваючы парадак за сабою пасля наведвання прыродных і ландшафтных тэрыторый.

«Ахова навакольнага асяроддзя — гэта ваша вотчына і вы самы першы і патрабавальны інспектар да тых, хто працуе ў лесе, перамяшчацца па рэках, рыбачыць на азёрах і гэтак далей. Як там справы?  Што вы бачыце, што вас не задавальняе? Як будзем працаваць далей?» — пералічыў Прэзідэнт пытанні, на якія хацеў атрымаць адказы ад міністра.

 

Кіраўнік краіны нагадаў, што прырода заўсёды нумар адзін — гэта яго ўнутраная ўпэўненасць. «Не можа чалавек нармальна жыць, калі ў яго забруджана ўсё навокал. Не можа. Таму я гляджу на малыя гарады, каб і ў Мінску была чысціня і парадак, каб больш дрэваў высаджвалі, каб па-варварску не адносіліся да гэтых дрэў і іншых насаджэнняў, каб усё было ў парадку», — дадаў ён.

Прэзідэнт папрасіў звярнуць у дакладзе асаблівую ўвагу на гідрамерыялогію. Некалькі гадоў таму, па словах кіраўніка краіны, ён выказваў сваё абурэнне тым, як працуе Белгідраметцэнтр.

 

«Павінен вам сказаць, што апошнім часам заварушыліся, і я вельмі ўважліва сачу за гэтым. Павінен вам сказаць — на тры дні абсалютна дакладны прагноз і нават на тыдзень. Амаль ніколі не памыляюцца. Ну на паўградуса, градус. Выразна змяніліся. Але неабходна ў гэтым напрамку працаваць, бо былі выдаткаваны сродкі, закуплена новая тэхніка, абсталяванне, людзей у пачуццё прывялі», — канстатаваў Аляксандр Лукашэнка.

Каментарый у тэму

Міністр Андрэй Худык адзначыў, што Прэзідэнт трымае пытанні аховы асяроддзя, рацыянальнага выкарыстання прыродных рэсурсаў, эфектыўнага выкарыстання зямлі на асаблівым кантролі.

«Разам з тым, вельмі складана трымаць адказ, бо кіраўнік краіны глыбока валодае пытаннямі, за якія адказвае наша міністэрства, а дзейнасць міністэрства шматгранная. Вобразна кажучы, — ад крышталічнага фундамента нашай Зямлі да азонавага слою. Гэта ўсё Мінпрыроды абавязана кантраляваць, кіраваць гэтымі працэсамі, ахоўваць і памнажаць», — запэўніў Андрэй Худык.

Па яго словах, Прэзідэнт даў даручэнні ўзмацняць дзейнасць ведамства па раней вызначаных кірунках. Перш за ўсё, гэта навядзенне парадку на зямлі, развіццё мінеральна-сыравінавай базы, застаецца пад увагай і гідрамерыяралагічная дзейнасць.

«Радуе тое, што становіцца ўсё менш нараканняў грамадскасці да нашага ведамства. Ёсць разуменне з грамадскімі арганізацыямі, нядрэнна, у цэлым, мы працуем з суседзямі і ў тых сусветных канвенцыях, удзельніцай якіх Беларусь з’яўляецца», — дадаў міністр.

Марыя ДАДАЛКА

Выбар рэдакцыі

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота... 

Калейдаскоп

Чым апырскаць памідоры ад фітафторы, калі на іх ужо завязі і кветкі

Чым апырскаць памідоры ад фітафторы, калі на іх ужо завязі і кветкі

Як і любую іншую хваробу, фітафтароз лягчэй папярэдзіць, чым лячыць.

Культура

Беразіно: цэнтр на шляху «з вараг у грэкі»

Беразіно: цэнтр на шляху «з вараг у грэкі»

Радзімазнаўства. Адрасы пісьменства. Сумесны праект Мінаблвыканкама і «Звязды».