Вы тут

Як будзе рэалізоўвацца дзяржаўная праграма «Камфортнае жыллё і спрыяльнае асяроддзе»


Дзяржаўная праграма «Камфортнае жыллё і спрыяльнае асяроддзе» на 2021—2025 гады ўвайшла ў сілу ў Беларусі. На рэалізацыю яе мерапрыемстваў, што скіраваны на развіццё ЖКГ, сферы бытавога абслугоўвання, павышэнне даступнасці энерга- і газазабеспячэння ў населеных пунктах, запланавана 18 467,4 млн рублёў. Пра мэты і мяркуемыя дасягненні чарговай пяцігодкі ўдасканалення камунальнай сферы расказаў начальнік упраўлення жыллёвай гаспадаркі Міністэрства ЖКГ Андрэй РАМАШКА.

Чакаецца, што задачы дзяржпраграмы будуць дасягацца за кошт павышэння эфектыўнасці і надзейнасці функцыянавання аб'ектаў ЖКГ з адначасовым зніжэннем затрат на аказанне жыллёва-камунальных паслуг (ЖКП), а таксама прапанавання якасных бытавых паслуг і забеспячэння больш шырокага доступу грамадзян да энергетычных рэсурсаў.


— ЖКГ — галіна эканомікі і жыцця грамадства, дзе цесна пераплецены інтарэсы іншых сфер. Немагчыма ўявіць высокі ўзровень жыцця і матэрыяльнага дабрабыту людзей без развітой сістэмы жыллёва-камунальнага абслугоўвання, — адзначыў Андрэй Рамашка. — А дзяржпраграма «Камфортнае жыллё і спрыяльнае асяроддзе» — адзін з інструментаў рэалізацыі праграмы сацыяльна-эканамічнага развіцця краіны ў цэлым. Дзяржпраграма ўключае ў сябе сем падпраграм.

  • «Даступнасць паслуг» — павінна садзейнічаць забеспячэнню даступнасці і якасці ЖКП, а таксама павышаць якасць і разнастайнасць бытавых паслуг.
  • «Добраўпарадкаванне» — скіравана на павышэнне ўзроўню добраўпарадкавання тэрыторый населеных пунктаў. Падчас яе рэалізацыі мяркуецца праводзіць капітальны рамонт і рэканструкцыю ўнутрыквартальных дваровых тэрыторый.
  • «Эфектыўнае цеплазабеспячэнне» — мусіць павысіць надзейнасць, тэхналагічную і эканамічную эфектыўнасць цеплазабеспячэння.
  • «Рамонт жылля» — уключае ў сябе «аднаўленне тэхнічных і спажывецкіх якасцяў, а таксама захаванне эксплуатацыйнай надзейнасці жыллёвага фонду. А яшчэ павінна стварыць бяспечную эксплуатацыю ліфтавага абсталявання ў дамах», падкрэсліў спецыяліст.
  • «Чыстая вада» — абавязана забяспечыць жыхароў вадой пітной якасці, павысіць якасць ачысткі сцёкавых вод і надзейнасць сістэм водазабеспячэння і водаадвядзення.
  • «Мэта-99» — заклікана мінімізаваць аб'ёмы захавання цвёрдых камунальных адходаў (ЦКА).
  • «Развіццё электраэнергетыкі і газіфікацыі населеных пунктаў» — мае на мэце будаўніцтва (рэканструкцыю) размеркавальных электрасетак працягласцю 3 464,9 км, каб грамадзяне выкарыстоўвалі больш электраэнергіі, забяспечваючы такім чынам большы камфорт свайго пражывання.

— Па выніках дзяржпраграмы чакаецца будаўніцтва каля 800 станцый абезжалезвання з мэтай забеспячэння 100 % беларусаў вадой пітной якасці да 2025 года. Неабходна пабудаваць і рэканструяваць 70 ачышчальных збудаванняў сцёкавых вод. Дасягнуць выкарыстання ў 2025-м не менш як 64 % ствараемых ЦКА. Замяніць 4727 ліфтаў у жылых дамах, — расказаў прадстаўнік ЖКГ. — Акрамя таго, штогод неабходна ўводзіць у эксплуатацыю пасля капрамонту не менш як 3,5 млн м2 агульнай плошчы жылых дамоў, а таксама рамантаваць і рэканструяваць 2 % прыдамавых тэрыторый.

На працягу пяцігодкі плануецца таксама штогод зніжаць затраты на аказанне паслуг насельніцтву не менш чым на 5 %. А таксама скараціць страты цеплаэнергіі ўласнай вытворчасці арганізацый ЖКГ з 9,8 % да 9 % да 2025 года.

Ірына СІДАРОК

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.