Вы тут

У Палацы Рэспублікі прайшоў урачысты сход, прысвечаны Дню беларускай міліцыі


Мужных, сумленных і адданых доўгу і Радзіме павіншавалі з прафесійным святам у сталіцы.


Першым на сцэну падняўся кіраўнік Адміністрацыі Прэзідэнта Рэспублікі Беларусь Ігар Сергеенка.

— Наша краіна сёння ўшаноўвае тых, хто абраў для сябе адну з самых важных і адказных прафесій — захоўваць бяспеку і правапарадак.

Ігар Сергеенка зазначыў, што гісторыя беларускай міліцыі непарыўна звязана з подзвігамі, прыкладамі мужнасці, адвагі і самавалодання. Ён нагадаў, што і ў першыя гады гісторыі міліцыі, і ў міжваенны перыяд, і ў мірны час супрацоўнікі органаў унутраных спраў заўсёды былі трывалай апорай дзяржавы.

— І сёння, як многія пакаленні вашых папярэднікаў, вы цвёрда стаіце на варце закона, абараняеце асновы нашай дзяржаўнасці, выконваеце свой доўг годна і добрасумленна, — звярнуўся да прысутных Ігар Сергеенка.

Кіраўнік Адміністрацыі Прэзідэнта нагадаў пра першыя гады станаўлення Беларусі як незалежнай дзяржавы, і якіх высілкаў каштавала зрабіць жыццё бяспечным.

— Парадак і спакой на нашых вуліцах, якімі мы ганарымся, у першую чаргу — ваша заслуга, — сказаў Ігар Сергеенка. — Выклік быў кінуты ў мінулым годзе. Вы апынуліся на перадавой, абараняючы суверэнітэт і незалежнасць Беларусі. Было няпроста, даводзілася працаваць удзень і ўначы. Ва ўмовах, калі і фізічная, і маральная нагрузкі проста зашкальвалі, вы засталіся адданыя доўгу і Радзіме, адстаялі мір і ўратавалі краіну.

Ігар Сергеенка.

Ён павіншаваў усіх прысутных са святам і зачытаў віншаванне Прэзідэнта.

Да святочных віншаванняў далучыўся і міністр унутраных спраў Іван Кубракоў.

— 4 сакавіка — свята тых, хто выбраў для сябе складаную прафесію, а з ёй і лёс. Хто добрасумленна, а часам і рызыкуючы ўласным жыццём, забяспечвае правапарадак і стаіць на варце бяспекі нашай краіны.

Кіраўнік ведамства нагадаў, што гістарычна на плечы супрацоўнікаў міліцыі клалася адна з самых важных і складаных задач — забеспячэнне правапарадку ў краіне.

— Больш за стагоддзе мы змагаемся з крымінальнымі праявамі. Летапіс падраздзяленняў поўны яркіх прыкладаў мужнасці, адвагі і гераізму. Коштам неймаверных высілкаў народная міліцыя знішчыла калісьці хвалю бандытызму ў маладой савецкай краіне. Ахоўвалі мірных грамадзян і падчас вайны ад рознага кшталту злачынцаў, былі самаадвержанымі падчас ліквідацыі наступстваў аварыі на Чарнобыльскай АЭС.

Міністр унутраных спраў адзначыў, што ў сучаснай Беларусі органы правапарадку адыгрываюць ключавую ролю ў фармаванні статусу краіны як стабільнай і бяспечнай.

— У тым, што Беларусь не паўтарыла сумны лёс некаторых краін, немалая заслуга нашага ведамства. Мы з вамі забяспечылі парадак, не дапусцілі расколу, — заявіў Іван Кубракоў.

Іван Кубракоў.

Ён акцэнтаваў увагу на тым, што Дзень міліцыі — гэта свята для родных і блізкіх супрацоўнікаў органаў унутраных спраў. Па яго словах, цяплом і клопатам яны штодзённа дапамагаюць пераадольваць цяжкасці службовых будняў.

— Наша рэспубліка зараз перажывае складаны этап развіцця, звязаны з абаронай суверэнітэту і незалежнасці, а таксама барацьбой з наступствамі пандэміі каранавіруса. Ля межаў нашай краіны зноў актуальныя праблемы не толькі трансгранічнай злачыннасці, але і прамыя выклікі нацыянальнай бяспецы. З нашага боку, мы штодня забяспечваем дакладныя і зладжаныя дзеянні ўсіх нашых служб і падраздзяленняў, адказна і сумленна выконваючы свой доўг, — рэзюмаваў міністр.

Вечар працягнуўся святочным канцэртам.

Валяр'ян ШКЛЕННІК

Фота БелТА

Выбар рэдакцыі

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.