Вы тут

Сезон у садзе пачынаецца: апрацоўка ранняй вясной


Клубніц

Апрацоўка трускалак вясной — важнае мерапрыемства, ігнараваць якое нельга. Ды і часу на апрацоўку мала — трэба паспець да пачатку цвіцення. І самае першае, што трэба зрабіць, — прыбраць з клубнічнай градкі старое лісце і смецце, ачысціць разеткі ад гэтага, выдаліць пустазелле.

Глебу таксама трэба засцерагчы ад шкоднікаў і хвароб. Для гэтага грунт паміж радамі паліваюць з палівачкі вадой, нагрэтай да 95 °С. Такая мера дазволіць пазбавіць трускаўкі ад лічынак шкоднікаў, якія засталіся ў грунце на зімоўку. Для таго каб гарачы душ апынуўся пагібельным для глебавых монстраў, рэкамендуюць дадаць у ваду марганцоўку (да слаба-ружовага колеру) або 15 кропель ёду на вядро вады.

Самыя галоўныя ворагі клубніц — мучністая раса, шэрая гніль, белая гніль, чорная гніль, а таксама верціцылёзнае завяданне. Каб усяго гэтага пазбегнуць, трэба апрацаваць кусты антыгрыбковымі сродкамі, у саставе якіх прысутнічае медзь — гэта «Хорус», «Тапаз», «Фундазол», 1-працэнтная бардоская вадкасць і іншыя.

Калі ў папярэднім сезоне ваш сад падвяргаўся актыўнаму ўздзеянню шкоднікаў, трэба ўзмацніць меры бяспекі і барацьбы з імі.

Вінаграду

Ад таго, як вы праведзяце апрацоўку вінаграду ў пачатку сезона, непасрэдна залежыць, ці будзе ён пладаносіць. Догляд за вінаградам вясной пачынаецца з уборкі смецця, абрэзкі сухой лазы, выдалення пашкоджаных парасткаў, апрацоўкі глебы.

Галоўны вораг вінаграду — грыбковыя хваробы. Першую прафілактычную апрацоўку пачынаюць пасля таго, як з лазы здымуць зімовае ўкрыццё. У гэты час можна ўжываць 3-працэнтны раствор меднага купарвасу або бардоскай вадкасці. Таксама тады ж лазу можна апрацаваць растворам жалезнага купарваса (з разліку 500 г прэпарату на 10 л вады), такая апрацоўка дапаможа засцерагчы вінаград не толькі ад хвароб, але таксама і ад шкодных насякомых, якія зімуюць пад карой.

У перыяд раскрыцця пупышак расліну апрацоўваюць прэпаратамі
супраць вінаграднага кляшча.

Маліны

Як толькі сыдзе снег, садоўнікі пачынаюць вызваляць малінавыя кусты ад загінулых і хворых парасткаў і апырскваюць кусты бардоскай сумессю. Для гэтага бяруць 400 г вапны-«пушонкі», 300 г меднага купарвасу і разводзяць гэта ў 10 л вады.

Добры эфект атрымліваецца і ад апырсквання глебы растворам мачавіны (50 г меднага купарвасу і 700 г мачавіны на 10 л вады). Каля 2,5 л сумесі спатрэбіцца на апрацоўку 10 кв. м грунту.

Многія апрацоўваюць малінавыя кусты і растворам жалезнага купарвасу ў прапорцыі 100 г рэчыва на 5 л вады. Як правіла, на апырскванне кожнага куста сыходзіць прыкладна 0,5 л раствору. Вышэйпералічаныя рэцэпты дапамогуць абараніць маліну ад інфекцый, а таксама яе галоўных шкоднікаў — малінавага жука, сцябловай мухі, сунічна-малінавага даўганосіка, парасткавай галіцы. А каб у новых асобін шкоднікаў зусім не было шанцаў, глебу трэба перакапаць на глыбіню 10 см, апрацаваць растворам фуфанону (на 10 л вады — 20 мл прэпарату).

Выдатна спраўляюцца са шкоднікамі маліны наступныя прэпараты: «Актэлік» — 15 мл на 10 л вады (для кожнага куста спатрэбіцца не менш за 200 мл раствору), «Карбафос» — 75 г на 10 л вады (па 1 л на 1 куст). «Карбафос» выкарыстоўваюць і ў мэтах прафілактыкі супраць шклянніцы — 6 г рэчыва раствараюць у 1 л вады — гэтага раствору хапае на апрацоўку пяці кустоў.

Персіка

Персік пачынаюць апырскваць да распускання пупышак, але калі тэмпература паветра ўжо дасягае стабільных плюсавых значэнняў.

Асноўная мэта гэтай апрацоўкі — барацьба з грознай хваробай — кучаравасцю лісця. Акрамя таго, такая працэдура будзе спрыяць знішчэнню ўсіх шкоднікаў, якім удалося паспяхова перазімаваць, схаваўшыся ў кары і парастках дрэў. У дадзеным выпадку ўжываюць фунгіцыды, у складзе якіх прысутнічае медзь (медны купарвас, бардоскую вадкасць і іншыя).

Другі этап апырсквання право-
дзяць перад з'яўленнем бутонаў. Падчас яго ўжываюць мачавіну (700 г рэчыва, 10 л вады, 50 г меднага купарвасу), раствор жалезнага купарвасу (250 г рэчыва на 5 л вады), раствор меднага купарвасу (500 г на 5 л вады).

Трэцяе апырскванне праводзяць у маі, калі ідзе актыўнае размнажэнне кляшчоў. Кроны апырскваюць ад шкоднікаў «Актафітам» — у прапорцыі 40 мл на вядро вады.

Калі тэмпература паветра ўсталюецца на адзнацы 14 °С, можна апрацаваць персік прэпаратам «Скор», які засцеражэ ад кучаравасці лісця, мучністай расы і шэрай гнілі. Для гэтага гатуюць раствор з 2 г рэчыва і 8 л вады.

Выбар рэдакцыі

Грамадства

10 прадуктаў-антыдэпрэсантаў, якія абавязкова павінны быць на вашым стале

10 прадуктаў-антыдэпрэсантаў, якія абавязкова павінны быць на вашым стале

Добры настрой — гэта падмурак высокай якасці нашага жыцця.

Грамадства

З акцэнтам на вусны. Правільны макіяж для сталых людзей

З акцэнтам на вусны. Правільны макіяж для сталых людзей

Многія жанчыны лічаць, што макіяж ў сталым узросце рабіць не варта, таму што гэта «дадае гадоў».

Культура

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

 У сценах установы ў межах літаратурна-музычнай імпрэзы прагучалі вершы і песні.