Вы тут

Змяненне клімату цалкам спыніць немагчыма, але запаволіць яго неабходна


Беларусь з'яўляецца падпісантам Рамачнай канвенцыі ААН аб змяненні клімату, а ў 2016 годзе прыняла Парыжскае пагадненне, якое рэгулюе меры па зніжэнні ўтрымання вуглякіслага газу ў атмасферы. Наша краіна ўзяла на сябе пэўныя абавязацельствы, у тым ліку — скараціць да 2030 года выкіды парніковых газаў на 28 % адносна ўзроўню 1990 года.


Каардынатар Парыжскага пагаднення — Міністэрства прыродных рэсурсаў і аховы навакольнага асяроддзя. Яно рэгулярна прадстаўляе ў Сакратарыят Рамачнай канвенцыі ААН Нацыянальны кадастр антрапагенных выкідаў, паведамленне пра адаптацыю да змянення клімату, даклады аб дасягненнях у скарачэнні шкодных выкідаў і іншыя дакументы.

Зацверджаны шэраг стратэгій і нацыянальных адаптацыйных планаў, у прыватнасці, для лясной і сельскай гаспадаркі.

— Нашы міжнародныя абавязацельствы адлюстраваны таксама пры падрыхтоўцы другога Нацыянальна вызначаемага ўкладу Рэспублікі Беларусь у зніжэнне выкідаў парніковых газаў, які цяпер праходзіць працэдуру ўнутрыдзяржаўнага ўзгаднення. Згодна з данымі кадастра выкідаў парніковых газаў у 2019 годзе, працэнт іх скарачэння адносна ўзроўню 1990 года ў Беларусі ўжо дасягнуў 35 %, — расказала начальнік упраўлення рэгулявання ўздзеянняў на атмасфернае паветра, змяненне клімату і экспертызы Мінпрыроды Наталля Інчына.

Рэгіянальны праект «ЕС для клімату»

Згодна з планам мерапрыемстваў па рэалізацыі палажэнняў Парыжскага пагаднення, ажыццяўляецца шэраг праектаў міжнароднай тэхнічнай дапамогі. Адзін з іх — «ЕС для клімату». Гэта частка рэгіянальнага праекта, які распрацаваны і выконваецца ў краінах Усходняга партнёрства. Еўрасаюз — донар праекта, бюджэт якога ў нацыянальнай частцы складае 1 299 515 долараў. Ён быў зарэгістраваны 27 ліпеня 2020 года і павінен рэалізавацца за два гады. Выканаўчы партнёр праекта — ПРААН, ключавая роля ў яго рэалізацыі адводзіцца Мінпрыроды.

«Мэты праекта — інтэграцыя рашэнняў па пытаннях змянення клімату ў палітыку і планы развіцця нашай краіны, укараненне задач па забеспячэнні кліматычнай устойлівасці, садзейнічанне «зялёнаму» росту эканомікі, узгадненне заканадаўства з праблемамі змянення клімату», — растлумачыла кіраўнік праекта «ЕС для клімату» Ірына Сакалоўская.

Для рэалізацыі праекта сфарміравана каманда нацыянальных экспертаў па энергетыцы, прамысловых працэсах, выкарыстанні прадуктаў сельскай гаспадаркі, адходах. Далучаны міжнародныя кансультанты. Важнейшыя кампаненты праекта — распрацоўка Нацыянальнага плана адаптацыі да змянення клімату, стварэнне Стратэгіі доўгатэрміновага развіцця Беларусі з нізкім узроўнем выкідаў парніковых газаў для асобных сектараў эканомікі, павышэнне міжведамаснай інфармаванасці і каардынацыя органаў дзяржкіравання.

Вугляродны падатак вымагае новай стратэгіі

Еўрапейскі парламент 10 сакавіка 2021 года прыняў рэзалюцыю аб узгодненым з правіламі Сусветнай гандлёвай арганізацыі механізме трансгранічнага вугляроднага ўрэгулявання ў Еўрасаюзе. Ён з'яўляецца часткай «Зялёнага пагаднення» ЕС, якое стымулюе дэкарбанізацыю галін прамысловасці і садзейнічае дасягненню вугляроднай нейтральнасці.

Еўрапарламент прагаласаваў за ўвядзенне вугляроднага падатку на выкіды вуглякіслага газу. Гэтым падаткам будуць абкладацца ўсе тавары, якія імпартуюцца ў Еўрасаюз, найперш тыя, што ўваходзяць у сектар энергетыкі, у такія энергаёмістыя сектары прамысловасці, як нафтаперапрацоўка, вытворчасць цэменту, сталі, паперы, кардону, алюмінію і іншыя.

У найбліжэйшы час Еўракамісія распрацуе прапановы па механізмах вугляроднага рэгулявання. У Расіі папярэдне падлічаны страты, якія пацерпіць эканоміка краіны пры ўвядзенні гэтага падатку: каля сямі мільярдаў еўра ў год. У нашай дзяржаве створана міжведамасная група па распрацоўцы стратэгіі і плана работы для зніжэння вугляродаёмкасці сектараў эканомікі. Яе каардынатар — Мінпрыроды. У дадзеную рабочую групу ўвайшлі міністэрствы прамысловасці, лясной гаспадаркі, сельскай гаспадаркі і харчавання, антыманапольнага рэгулявання і гандлю; аблвыканкамы, канцэрны «Беллегпрам», «Беллеспаперпрам», «Белнафтахім» і іншыя.

Практычна ўзгоднены з усімі зацікаўленымі план мерапрыемстваў па мінімізацыі рызык для эканомікі Беларусі пасля ўвядзення ЕС пагранічнага вугляроднага падатку. Хутка ён будзе пададзены на зацвярджэнне ўрада.

Святлана ІШЧАНКА

Фота з архіва праекта «ЕС для клімату»

Загаловак у газеце: Кліматычная палітыка: рэгіянальная — у звязцы з глабальнай

Выбар рэдакцыі

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота...