Вы тут

Як зразумець, што ў вашых адносінаў ёсць будучыня? 4 надзейных спосаба


Для таго каб адносіны былі доўгімі, важна, каб асноўныя каштоўнасці ў пары супадалі. Менавіта таму лепш на пачатковым этапе зносін абмеркаваць галоўныя жыццёвыя прынцыпы, бо з цягам часу яны, наўрад ці, памяняюцца. Гэта дапаможа зразумець, наколькі добра вы падыходзіце адно аднаму. Такім чынам, у вашага саюза ёсць шанец, калі:



1. Вы эмацыйна блізкія. Эмацыйная блізкасць — гэта падмурак глыбокіх і даверных зносін. Калі вы можаце адкрыта абмяркоўваць свае адносіны, казаць пра перажыванні і пачуцці і пры гэтым не баяцца крытыкі і асуджэння, то гэта добры знак. Калі партнёр імкнецца падтрымаць, супакоіць, то ў такіх адносінаў сапраўды магчымы працяг. Менавіта дзякуючы эмацыйнай сувязі вы можаце стаць самымі блізкімі людзьмі.

2. Вашы мэты і жаданні супадаюць. Прааналізуйце вашы погляды па такіх ключавых пытаннях як шлюб, кар’ера, нараджэнне і выхаванне дзяцей. Абмяркуйце свае планы на бліжэйшыя паўгода. І параўнайце, наколькі яны раўналежныя вашым. Вядома ж, рознагалоссі могуць быць заўсёды, і гэта цалкам натуральна. Але вы павінны цвёрда вырашыць для сябе: ці зможаце вы іх прыняць. Уменне падзяляць інтарэсы партнёра — адзін з важных пунктаў, які эмацыйна аб’ядноўвае многія пары.


3. Вы не баіцеся быць самім сабой. Для таго каб заставацца сабой, трэба быць максімальна сумленным. I у першую чаргу, перад самім сабой. Гэта значыць, што не трэба здраджваць сабе і сваім жаданням дзеля партнёру. Гэта якасць дапаможа пражываць сваё жыццё паўнавартасна. Менавіта страх быць незразумелым прымушае нас апранаць маску прытворства. Адкрывайце свае слабыя бакі і сачыце за рэакцыяй мужчыны. Калі ён гатовы іх ўспрымаць без карэкціроўкі і папрокаў, то гэта адназначна ваш чалавек. 

4. Вы ня пазбягаеце канфліктаў, а вырашаеце іх разам. Цяжкія часы бываюць ва ўсіх пар. І сумеснае іх пераадоленне збліжае і умацоўвае адносіны яшчэ больш. А правільна абраная стратэгія дапаможа выйсці з канфлікту, не парушаючы нічые інтарэсы. Умець успрымаць пазіцыю іншага чалавека, аналізаваць супрацьлеглы пункт гледжання, дастаткова няпросты навык. Але калі вам удаецца знаходзіць агульныя падыходы, лёгка ісці да кампрамісу, то ў вас ёсць шанец перайсці на новы ўзровень зносін. Калі вы бачыце, што партнёр не імкнецца перамагчы ў спрэчцы любой цаной, не ставіць у прыярытэт толькі сваю выгаду, то верагоднасць сур’ёзных адносін з ім вялікая.


Калі ваш мужчына не гатовы ўзяць на сябе адказнасць і перайсці на новы ўзровень адносінаў, гэта зусім не азначае, што прычына вы. Хутчэй за ўсё, справа ў тым, што на дадзены момант жыцця ў вас розныя мэты і прыярытэты. Кожнаму з вас будзе лепш, калі гэта высветліцца як мага раней. Гэта дасць магчымасць адпусціць адзін аднаго і знайсці сапраўды свайго чалавека, побач з якім вы будзеце шчаслівыя і каханыя.

Алена ШАЎЧЭНКА
Фота: pexels.com

Выбар рэдакцыі

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».

Грамадства

Як у Гомелі настаўнікі выхоўваюць юных патрыётаў

Як у Гомелі настаўнікі выхоўваюць юных патрыётаў

Кіраўнікі па ваенна-патрыятычным выхаванні, якія з гэтага навучальнага года з'явіліся ў школах краіны, — значная дапамога педагагічнаму кал

Эканоміка

Харчовая бяспека. Гародніны і бульбы хопіць усім

Харчовая бяспека. Гародніны і бульбы хопіць усім

Дарэчы, частку гэтай прадукцыі накіруем на экспарт, у прыватнасці журавіны.

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.